PM:08:30:05/04/2023
1440 جار خوێندراوەتەوە
+
-
لە کاتی یاریەکەی هەولێر
و نەفتی میسان سەردار ئیسماعیل هێرشی کردووەتە سەر هێزە ئەمنییەکان.
لە کاتی ئەنجامدانی یاری
نێوان هەولێر و نەفتی میسان لە خولی نایابی عێراق لە یاریگای فرانسۆ هەریری سەردار
ئیسماعیلی بەڕێوەبەری وەرزش و لاوانی هەرێمی کوردستان کە باڵاترین پۆستی وەرزشیە
لە یاریگاکەدا ئامادەیی دەبێت.
لە گرتەیەکی ڤیدیۆییدا
کە بڵاوبوتەوە و کاردانەوەی زۆری بەدوای خۆیدا هێناوە لە تۆڕە کۆمەڵایەتیەکان
دەردەکەوێت سەردار ئیسماعیل کە بەرپرسێکی پارتیە رووبەڕووی هێزە ئەمنییەکان
دەبێتەوە و هێرشی کردووەتە سەریان.
بە پێی وتەی
شایەتحاڵەکان، کێشەکە لەوەوە سەری هەڵداوە کە برایەکی سەردار ئیسماعیل پەیوەندی
پێوە دەکات و داوای چوونە ژورەوەی لێکردووە بۆ بەشی ڤی ئای پی و لە دەرەوەی
یاریگاکە رێگای نادەن بچێتە ژوورەوە.
لە کاتی هەوڵدان بۆ
چوونە ژوورەوە براکەی سەردار ئیسماعیل لەگەڵ هێزە ئەمنییەکان بەشەڕ دێت و دواتر
ناوبراو دەچێتە دەرەوە و لەگەڵ هێزە ئەمنییەکان تووشی دەمەقاڵێ دەبێت و هێرشیان
دەکاتە سەر.
دوای روداوەکەش سەردار
ئیسماعیل یاریگاکە جێدەهێڵێت و لە دوای بڵاوبونەوەی ڤیدیۆیەکە تا ئێستاش هیچ لایەک
روونکردنەوەی لەسەر روداوەکە نەداوە.
خ . ک