کۆمسیۆنا بلندا سەربەخۆیا هەلبژارتنێن عێراقێ راگەهاند، هژمارا تانەدان ل ئەنجامێن هەلبژارتنێ ٨٠٠ تانە دەربازکرن و حەفتیا داهاتی دێ پێداچوون تێدا هێتە کرن.

ژبەر رێکنەکەفتنا دارایی یا هەرێمێ دگەل عێراقێ چارەنڤیسێ دوو مووچەیێن داویا ڤێ سالێ یێ فەرمانبەران نەدیارە، پەرلەمانتارەکێ نەوەی نوێ ژی دبیژیت، زێدەتری سالەکێ یە حکومەتا عێراقێ ٩٤٥ ملیار دیناران بۆ مووچەیێ مووچەخۆران دهنێریت لێ حکومەتا دەم بسەرڤەچووی پێگیری رێککەفتنان نابیت.

بازرگانیا هەرێمێ دبیژیت، تژیکرنا فۆرما ئەلکترۆنی یا خارنێ تا دەمژمێر ١٢ی ئەڤشەڤە دێ بەردەوام بیت.

بۆ دەمێ دوو رۆژان دەرازینکا حاجی ئۆمەران کو ئێکە ژ دەرازینکێن سنۆری دناڤبەرا هەرێم و ئێرانێ دا دێ هێتە داخستن و ئەگەر ژی ڤەدگەریتە بۆ زۆربوونا هاتن و چوونێ د دەرازینکێ دا.

وەزارەتا داراییا عێراقێ دبێژیت، ئەگەر رێککەفتن دەربارەی پرسا مووچەی و پوتڕۆلێ بەردەوامبیت دناڤبەرا بەغدا و هەرێمێ دا، ١٥٠ هزارێن دەرمالەی بۆ مامۆستایێن هەرێمێ دێ هێنە خەرجکرن.

حەفتیا بهێت شاندەکێ کڤانێ هەڤبەندیێ بۆ گۆتۆبێژکرنێ دەربارەی پێکئینانا حکومەتا عێرقێ دێ سەرەدانا هەرێمێ کەت.

بهایێ زێڕی د بازارێن جیهانێ داکەفت و هەر ئۆنسەیەکا زێڕی ب چار هزار و ٧٣ دۆلاران بازار پێ دهێتە کرن؛ بهایێ مسقالەکا زێڕێ عەیار ٢١ ژی ب ٨١٩ هزار دینارن.

د بازارێن جیهانێ دا بهایێ بەرمیلەکا پەتڕۆلا خاڤا برێنت ب ٦٣ دۆلار و ٦٩ بازار پێ دهێتە کرن هەڤبەر ب دوهی بهایێ وێ ئێک دۆلاری داکەفتیە.

نووچەگەهانێ ئێن ئاڕ تی راگەهاند، سەیێن بێ خودان هێرشکرە سەر ئافرەتەکا ب تەمەن و ب گرانی بریندار کر.

حکومەتا دەم بسەرڤەچووی ب رێکا رێڤەبەریا گشتی یا خانەنشینان دەست ب بڕینا مووچەیێ خانەنشینان کر و دبێژیت، ئەو خانەنشین و وارسێن تا نها فۆرما ( هژمارا من ) تژی نەکرین، مووچەیێ وان یێ هەیڤا نەهـ وهەیڤێن دێ هێتە راگرتن.

پەیڤدارا کۆمسیۆنێ بۆ ئێن ئاڕ تی راگەهاند، تا ئەڤرۆ ٣٦ تانە ل ئەنجامێن داویێ یێن هەلبژارتنێ هاتینە دان.

رێڤەبەریا گشتیا کارەبا پارێزگەها دهۆکێ دبێژی، کارکرن دێ لسەر گهورکێ ABB 132 هێتەکرن و کارەبا نشتیمانی بۆ دەمێ چەند دەمژمێرەکان دێ هێتە بڕین.

فەرماندەیێ هێزێن سوریا دیموکرات دبێژیت، ل دەستپێکا شوڕەشا سوریا، ئەم ل دژی شەڕی بووین و تا بسەر مەدا نەهاتە سەپاندن مەشەڕ نەکر، لێ بۆ نها مە پێدڤی بشەڕی نینە و دێ ئارێشەیان ب ڕێکا دیالۆگێ چارەسەرکەین.

وەزارەتا داراییا حکومەتا دەم بسەرڤەچووی راگەهاند، داهاتێ نەپەتڕۆلی بۆ هەیڤا ئەیلولێ ئێخستینە سەر هماژ بانکیا وەزارەتا داراییا عێراقێ.

بهایێ زێڕی د بازارێن جیهانێ بلندبوو و هەر ئۆنسەیەکا زێڕی ب چار هزار و ٩٠ دۆلاران بازار پێ دهێتە کرن؛ بهایێ مسقالەکا زێڕێ عەیار ٢١ ژی ب ٨١٦ هزار دینارن.

د بازارێن جیهانێ دا بهایێ بەرمیلەکا پەتڕۆلا خاڤا برێنت ب ٦٤ دۆلار و ٧٤ بازار پێ دهێتە کرن هەڤبەر ب دوهی بهایێ وێ ئێک دۆلاری بلندبوویە.

رێڤەبەریا گشتىیا وەبەرئینانێ ل پارێزگەها دهۆكێ هایداریا هەمى وەبەرئینەران و كومپانيێن گەشەپێدەر و خودان سەرمایەیان دكەت، كو دەرفەتا وەبەرئینانێ بۆ دروستكرنا پڕۆژەیێ (باژێری بەردەڕەش یێ پیشەسازی( بەردەستە و هاتیە ڕاگەهاندن ب رێكا وەبەرئینانێ.

سەرۆک وەزیرێن عێراقێ دبێژیت، پڕۆسەیا هەلبژارتنا عێراقێ ب سەرکەفتیانە بڕێڤەچوو و دێ دگەل لایەنان گۆتۆبێژان بۆ پێکئینانا حکومەتا نوی یا عێراقێ کەین.

بریکارێ بەرێ یێ حکومەتا دەم بسەرڤەچووی دبێژیت، دێ بابەتێ مووچەیێن ئەڤ سالە دگەل سەرۆک وەزیرێن عیراقێ ئیکلاکەین.

جڤاتا وەزیرێن عێراقێ بڕیارا خەرجکرنا پارەیێ کارمەندێن سەر سندوقێن دەنگدانی دا و کوژمێ وی پارەی ژی دناڤبەرا ١٥٠ بۆ ٤٠٠ هزار دیناران دایە و ١٠٠ هزار دینار ژی دێ ب کارمەندێن یەدەگ هێنەدان.

بهایێ زێڕی د بازارێن جیهانێ هاتە خار و هەر ئۆنسەیەکا زێڕی ب چار هزار و ١٩ دۆلاران بازار پێ دهێتە کرن؛ بهایێ مسقالەکا زێڕێ عەیار ٢١ ژی ب ٨٠٤ هزار دینارن.

ب بەرهەڤبوونا نێچیرڤان بارزانی و سەرۆک وەزیرێن عێراقێ و سەرۆکێ حکومەتا دەم بسەرڤەچوویا هەرێمێ کۆڕبەندێ مێپس(MEPS) بۆ ئاشتی و ئاسایشا رۆژهەلاتا ناڤەڕاست ل دهۆکێ دێ بڕێڤەچیت.

د بازارێن جیهانێ دا بهایێ بەرمیلەکا پەتڕۆلا خاڤا برێنت ب ٦٣ دۆلار و ٧٨ بازار پێ دهێتە کرن هەڤبەر ب دوهی بهایێ وێ بنەجهە.

کۆمسیۆنا بلندا سەربەخۆیا هەلبژارتنێن عێراقێ ئەنجامێ داویێ یێ هەلبژارتنا پەرلەمانێ و هژمارا کورسیێن لایەنان و کۆتایان و ناڤێ بەربژێرێن سەرکەفتی بەلاڤکرن.

جێگرێ سەرۆکێ حکومەتا دەم بسەرڤەچووی دبێژیت، ئەم دگەل وێ یەکێ ینە کو لەز بهێتە کرن د پەسەندکرنا یاسایا پەتڕۆلێ و غازێ د ڤێ خولا پەرلەمانێ عێراقێ دا.

سەقاناسیا هەرێمێ بڕا بارانبارینێ د ٢٤ دەمژمێرێن دەربازبووی بەلاڤکر و لدویف ئامارێ، زۆرترین بڕا باران بارینێ ل مێرگەسور باریە کو ٧٢ ملم بوو.

پشتی بەربژێر بوونا پشتەڤانێن زاخۆ بۆ خەلاتێ باشترینێن سالێ ژ لایێ فیفا ڤە، حکومەتا کار برێکەرا عێراقێ پشتەڤانیا خۆ یانەیا زاخۆ دەربری.

کۆمسیۆنا بلندا سەربەخۆیا هەلبژارتنێن عێراقێ بتنێ پشتی چەند دەمژمێران ژ راگەهاندنا ئەنجامێ داویێ یێ خولا شەشێ پەرلەمانێ عێرقێ راگەهاند، شەش بەربژێر ب سەدەمێن جودا هاتنە دوویرئێخستن کو ئێک ژ وان دەنگێن پێدڤی بدەستڤەئینابوون بۆ پەرلەمانتاریێ.

دادگەها بلندا فیدڕالیا عێراقێ، داوی ب کارێن پەرلەمانی ئینا و بڕیارا گۆهڕینا حکومەتێ بۆ حکومەتەکا کاربڕێکەر دا کو دەستهەلاتا وێ یا سنورداربیت، هەڤدەم پشتڕاستکر ژی کو سەرۆک کۆمار بێی چ گۆهڕینان دێ بەردەوامبیت ل بجهئینانا ئەرکێن خۆیێن دەستوری.

خەرجیێن سالا بهێت یا حەجیێن هەرێما کوردستانێ ب حەفت ملیۆن و ١٠٠ هزار دیناران کو دبیتە پێنج هزار و ٤٢ دۆلار، هاتنە دیارکرن و هەمی گەشت ژی دێ ب رێکا عەسمانی بن.