AM:10:31:09/06/2024
8100 جار خوێندراوەتەوە
سەرۆکی دەستەی باڵای حەج و عەمرەی عێراق رایگەیاند، دوو هاوڵاتیی عێراقی لە سعودیە دەستگیرکراون کە بەمەبەستی حەج چوونەتە ئەو وڵاتە و لە ئێستاشدا عێراق رێکارەکانی تایبەت بەو پرسە گرتووەتەبەر.
سامی مەسعودی سەرۆکی دەستەی باڵای حەج و عەمرەی عێراق رایگەیاند، لەرێگای کونسوڵخانەی عێراق لە شاری جەددەی سعودیە رێکارەکانیان تایبەت بە دەستگیرکردنی ئەو دوو هاوڵاتییە گرتووەتەبەر و پارێزەریان بۆ دابین دەکەن.
ئاماژەی بەوەشکردووە،
دەبێت رێکارەکانیان لەرێگای کونسوڵخانەوە بێت، چونکە ئەوە تاکە لایەنی رێگەپێدراوە
کار لەسەر ئەو پرسە بکات لە وڵاتێکی دیکەدا.
بەپێی رێنماییە
گشتییەکانی ئەنجامدانی حەج لە سعودیە، پێویستە هاوڵاتییان لە رێگای ڤیزای
حەجکردنەوە سەردانی سعودیە بکەن و نابێت بە ڤیزای گەشتیاریی بچنە وڵاتەکە و دواتر
ئەرکیی ئایینیی حەج ئەنجامبدەن.
