هەریەکە لە باڵیۆزانی ئێران و یەکێتی ئەوروپا، لەسەر پرسی هەڵبژاردن سەردانی سەرۆکی جوڵانەوەی نەوەی نوێیان کرد.
ئەمڕۆ سێشەممە، هەریەکە لە باڵێۆزی ئێران و باڵیۆزی یەکێتی ئەوروپا، سەردانی شاسوار عەبدولواحید، سەرۆکی جوڵانەوەی نەوەی نوێیان کرد لە ئۆفیسی تایبەتی خۆی.
هاوکات، لە سەردانەکاندا باس لە هەڵبژاردنەکانی
هەرێمی کوردستان و گرفتەکانی بەردەم هەڵبژاردن و داهاتووی هەرێمی کوردستان کرا.
لای خۆیەوە، سەرۆکی جوڵانەوەی نەوەی نوێ رایگەیاند،
ئەگەر هەڵبژاردن ئەنجام نەدرێت ئەوا لێکەوتەی زۆر خراپی دەبێت و زەرەرمەندی یەکەم
خەڵکی کوردستان و دامەزراوەکانی هەرێمی کوردستان و دیموکراسی دەبن.
لە چەند رۆژی رابردووشدا، باڵیۆزی بەریتانیا لە عێراق سەردانی شاسوار عەبدولواحید سەرۆکی جوڵانەوەی نەوەی نوێی کرد و پێکەوە گفتوگۆیان لەبارەی هەڵبژاردنی خولی شەشەمی پەرلەمانی هەرێمی کوردستان کرد.