کۆمیسیۆنى هەڵبژاردنەکانى عێراق رایگەیاند، پشکنینى ئامێرە ئەلیکترۆنییەکانى دەنگدان لەلایەن کۆمپانیایەکى نێودەوڵەتییەوە کۆتایی هاتووە. وتیشی، " پابەندن بە راگەیاندنی ئەنجامی هەڵبژاردنەکان لەماوەی ٢٤ کاتژمێردا."
عەباس فەتلاوی، سەرۆکی ئیدارەی هەڵبژاردنەکان لە کۆمسیۆن بە رۆژنامەى سەباحی راگەیاند، کۆمسیۆن خشتەیەکی کاتی تایبەتی بۆ هەڵبژاردنی ئەنجوومەنی پارێزگاکان ئامادەکردووە و لە ئێستاشدا تەواوی رێکارەکان تەواوبووە.
ئاماژەی
بەوەشکرد، یەکێک لە کۆمپانیا نێودەوڵەتییە بەناوبانگەکان پشکنینی سەرجەم پڕۆگرامە
ئەلیکترۆنییەکانی بە ئامێر و سێرڤەر و میدیای گواستنەوەی هەڵبژاردن، بە بەشداری لیژنەکانی
حکومەت و پەرلەمان لەو بوارەدا تەواو کردووە.
باسی لەوەش
کرد، پێشتریش ئەو کۆمپانیایە پشکنینی ئامێرەکانی
هەڵبژاردنی پەرلەمانى ساڵی ٢٠٢١ ئەنجامداوە و ئەمساڵیش هەمان کۆمپانیا سەرپەرشتی سیستمی
هەڵبژاردنەکانی کردووە و تەواوی پشکنینەکانیش تەواو کراون.
ئەوەش لە
کاتێکدایە، حکومەتی عێراق ١٨ی کانونی یەکەمی ئەمساڵی وەک وادەی بەڕێوەچوونی پڕۆسەی
هەڵبژاردنی ئەنجوومەنی پارێزگاکانی عێراق بەبێ هیچ دواکەوتنێک دیاریکردووە.