PM:12:39:15/12/2025
268 جار خوێندراوەتەوە
+
-
بەڕێوبەری وەرزشی بایرن دوپاتیکردەوە گرێبەستی
ئۆپامیکانۆ نوێدەکەنەوە و ریاڵ مەدرید و پاریسی بێهیوا کرد.
بەپێی بڵاوکراوەیەکی رۆژنامەی بیڵد، یانەی بایرن
میونشن جاریکی تر گفتوگۆی نوێکردنەوەی گرێبەستی دایۆت ئۆپامیکانۆی
دەستپێکردووەتەوە و دەیەوێت پاش چەند مانگێک لە سەرەتای دەستپێکی گفتوگۆکان لەگەڵ
یاریزانەکە رێکبکەوێت سەبارەت بە مانەوەی.
رۆژنامەکە باسی لەوەشکردووە، بەرگریکارە
فەڕەنسییەکە بەرامبەر درێژکردنەوەی گرێبەستەکەی و بەرزکردنەوەی موچەکەی بۆ 20
ملیۆن یۆرۆ لە یانە باڤارییەکە دەمێنێتەوە، بەڵام لە ئێستادا بەڕێوبەری وەرزشی
بایرن وەڵامی دەنگۆکانی داوەتەوە و دەڵێت: هەموو شتێک بەباشی دەڕوات.
کریستۆف فرۆیندی بەڕێوبەری بایرن لەو بارەیەوە
وتوویەتی: ئەوەی لە میدیاکان باس دەکرێن راست نین و گفتوگۆکان بۆ نوێکردنەوەی
گرێبەستی ئۆپامیانۆ بەباشی دەڕوات بەڕێوە و هیچ ئاڵوزییەک لەنێوان ئێمە و ئەو
یاریزانەدا نییە.
بەڕێوبەرەکە جەختی لەسەر ئەوەشکردووەتەوە، دایۆت
لە بایرن زۆر دڵخۆشە و بابەتی نوێکردنەوەی گرێبەستەکەی پەیوەستە بە کاتەوە.
ئەمەش لە کاتێکدایە هەردوو یانەی ریاڵ مەدریدی
ئیسپانی و پاریس سان جێرمانی فەرەنسی بە شێوەیەکی جددی هەوڵی گواستنەوەی ئەو بەرگریکارە 27 ساڵانە دەدەن کە لە
هاوینی 2026گرێبەستەکەی کۆتایی پێدێت لەگەڵ بایرن میونشن.