AM:09:43:03/04/2025
108 جار خوێندراوەتەوە
+
-
کۆنسێساو رایگەیاند بەهۆی کەمی کاتەوە تیپەکەی لەڕوی
تاکتیکیوە ئامادەنییە و ئینزاگیش وتی دڵخۆشم بەئەنجامی یارییەکە.
سێرجی کۆنسێساوی راهێنەری ئەیسی میلان پاش یارییەکان
بەرامبەر ئینتەر ئاماژەی بەوەکرد ئێستا نیوەی رێگەکەیان بڕیوە و یاری گەڕانەوە ماوە
پێویستە بە باشی خۆیانی بۆ ئامادەبکەن.
وتیشی لە ئاستی هێڵی بەرگری یانەکەی ڕازییە بەرامبەر
تیپێکی زۆرباش توانیوییانە بەباشی خۆراگربن.
راهێنەرە لەدرێژەی قسەکانیدا جەختی لەوەکردەوە بەهۆی
ئەوەی لە ناوەراستی وەرزدا بووەتە راهێنەری یانەی میلان تیپەکەی لەڕوی تاکتیکیوە
ئامادەنییە بۆ یاریکردن هەربۆیە نابێت لە کاتی ئەنجامە خراپەکاندا تەنها راهێنەر
تاوانباربکرێت.
لەلایەکترەوە سیمیۆنی ئینزاگی وتی یەکسانبوون بەرامبەر
میلان ئەنجامێکی زۆرباشە و دڵخۆشم بە ئاستی یاریزانەکانم.
وتیشی ئاستی گۆڵچی هەردوو یانە زۆرنایاب بوو یارییەکی
گەورەییان ئەنجامدا بەلام بۆ بردنەوەی لە یانەیەکی وەک ئەیسی میلان پێویستە لە ڕووی
هێرشبردنەوە زیاتر کاربکەین.
ئینزاگی ئاماژەی بەوەکرد تایمی دووەم زۆرباش یاریمان کرد
و دێربی زۆرمان ئەنجامداوە و میلان لەهەموو بارودۆخێکدا بەردەوام ڕکابەرێکی سەختبووە.
راهێنەرە ئیتاڵییەکە لەدرێژەی قسەکانیدا جەختی لەوەکردەوە
هیوادارم بەرامبەر پارما لاوتارۆ مارتینێز بتوانێت یاری بکات، بەڵام دۆمفرێس یەکلابووەتەوە
ناتوانێت بەشداری بکات.
چۆمان سدیق