AM:01:24:31/01/2025
52 جار خوێندراوەتەوە
+
-
لە یۆرۆپا لیگ مانچستەر یونایتد بە دوو گۆڵی بێوەڵام شکستی بە ستیوا بوخارست هێنا و تۆتنهام و رۆما و بلباویش براوە بوون.
لە کۆتا یاری قۆناغی یەکەمی یۆرۆپا لیگ، مانچستەر یونایتد بووە میوانی ستیوا بوخارستی رۆمانی.
لە تایمی یەکەم سەرەڕای هەوڵەکانی هەردوولا هیچ گۆڵێک نەبینرا.
لە تایمی دووەم، مان یو بەباشی دەستپێکرد و لە خولەکی 60 گۆڵێکی لە رێگای دیگۆ دالۆتەوە تۆمارکرد، پاشان لە خولەکی 68 ماینۆ بۆ دووەمجار تۆڕی گۆڵی خاوەن یاریگای هەژاند و یارییەکەش تا کۆتایی بەو ئەنجامە مایەوە.
بەو بردنەوەیەش مان یو خاڵەکانی بوون بە 18 خاڵ لە پلەی سێیەم و بەشێوەیەکی راستەوخۆ گەیشتە قۆناغی 16.
لە یارییەکانی تریشدا، تۆتنهام بە سێ گۆڵی بێوەڵام لە ئێلفسبۆرگی بردەوە و راستەوخۆ گەیشتە قۆناغی داهاتو، بلباویش بە بردنەوە ڤیکتۆریا پڵز بەهەمان شێوە راستەوخۆ سەرکەوت، رۆماش سەرەڕای بردنەوەی چووە قۆناغی پلەی ئۆف و دەبێت جەنگی سەرکەوتن بکات.