PM:10:17:30/01/2025
184 جار خوێندراوەتەوە
+
-
لە خولی سعودی نەسڕ بە سەرکردایەتی رۆناڵدۆ و بە دوو گۆڵ بەرامبەر بە گۆڵێک
شکستی بە رائید هێنا.
لە تایمی یەکەم، نەسڕ بە تەواوی کۆنترۆڵی یارییەکەی کرد و لە خولەکی 35یش
پاش چەند هێرشێک لە رێگای کریستیانۆ رۆناڵدۆوە گۆڵی پێشکەوتنیان تۆمارکرد و ئەو
تایمەش بەو ئەنجامە کۆتایی پێهات.
لە تایمی دووەم، لە خولەکی 47 نەسڕ لە رێگای نەواف ئەل بوشەیلەوە گۆڵی
دووەمیان تۆمارکرد، یارییەکەش تا خولەکی 76 بەو ئەنجامە درێژەی کێشا کاتێک ئەمیر
سەیود بە گۆڵێک جیاوازییەکەی بۆ رائید کەمکردەوە، بەڵام یارییەکە هیچ گۆڵێکی تری
بەخۆیەوە نەبینی و بەو ئەنجامە کۆتایی پێهات.
بەو بردنەوەیەش نەسڕ خاڵەکانی بوون بە 38 خاڵ و بە شێوەیەکی کاتی چووە پلەی
سێیەمی ریزبەندی، رائیدیش تەنیا 14 خاڵی هەیە و لە پلەی 15یە دێت.
لە یارییەکانی تریشدا، ئەهلی بە دوو گۆڵی بێوەڵام لە عروبەی بردەوە، ریازیش
بە گۆڵێکی بێوەڵام شکستی بە وەحدە هێنا.