PM:02:22:30/01/2025
136 جار خوێندراوەتەوە
+
-
یانە سعودییەکان هەوڵی گواستنەوەی راشفۆرد نادەن و یاریزانەکە چاوەڕێی بەرشەلۆنە دەکات.
ڕۆژنامەی شەرق ئەوسەت رایگەیاند، هیچ هەنگاوێک لە لایەن یانەکانی خولی روشەنی سعودییەوە نییە بۆ گواستنەوەی مارکۆس راشفۆرد لەم گواستنەوەی زستانەدا.
ئاماژەی بەوەشکردووە، چەند رۆژێکی کەمی ماوە بۆ داخستنی بازاڕی گواستنەوە، راشفۆردیش چاوەڕێی بەرشەلۆنە دەکات و موچە زۆرەکەی کە هەفتانە 300 هەزار یۆرۆیە رێگرە لەم گرێبەستە.
ئەمەش لە کاتێکدایە، نێوانی هێرشبەرە ئینگلیزیەکە و رۆبن ئەمۆریمی راهێنەری مانچستەر یونایتد باش نییە، تا گەیشتە ئەو رادەیەی ئەمۆریم وتی، ئامادەمیاری بە راهێنەری گۆڵچییەکان بکەم نەک یاریزانێک کە هەموو توانای خۆی بەکار ناهێنیت.
هێرشبەرە ئینگلیزیەکە تەمەنی 27 ساڵە، 426 یاری لەگەڵ مانچستەر یونایتد ئەنجامداوە لەسەرجەم پاڵەوانێتییەکان، لەو ماوەیەدا 138 گۆڵی تۆمارکردووە و 63 ئەسیستیشی کردووە.
بیلال کاکە