PM:09:13:24/01/2025
116 جار خوێندراوەتەوە
+
-
39 هاندەر لە یارییەکەی نێوان مانچستەر یونایتد و
گلاسکۆ رینجەرز بەهۆی ئاژاوەگێڕییەوە دەستگیرکران.
بەگوێرەی
ڕۆژنامەی زە سەنی بەریتانی، لە یاری نێوان مانچستەر یونایتد و گلاسکۆ رینجەر لە
یۆرۆپا لیگ 39 هاندەر دەستگیرکراون بەهۆی شەڕ و ئاژاوەگێڕی لەنێو کورسییەکانەوە.
بە
گوێرەی سەرچاوە بەریتانییەکە، ئاژاوەگێڕییەکە دوای ئەوە هاتووە کۆمەڵێکی گەورەی
هاندەرانی ڕێنجەرز توانیان بلیتی یارییەکە بکڕن لەناو ئەو بەشەی کە بۆ هاندەرانی
مان یونایتد دیاریکرابوو.
باسی
لەوەشکردووە، بەپێی فرۆشتنی بلیتە فەرمییەکان تەنیا سێ هەزار هاندەری رینجەرز
هەبوون، بەڵام وەک لە وێنە و ڤیدیۆکان دەردەکەوێت ژمارەیان زیاترە بە تایبەت لەنێو
هاندەرانی مان یونایتد ئەوەش شەڕەکەی دروستکردووە.
پۆلیسی
مانچستەر لەو بارەیەوە دووپاتیکردەوە، لە یارییەکەدا 39 کەس دەستگیرکراون و
رێوشوێنی توند دەگرنەبەر تا کاری لەم شێوە دووبارە نەبێتەوە و سزای توندی
تاوانباران و ئەو کەسانە دەدرێت کە بلیتەکانیان فرۆشتووە.
بیلال کاکە