PM:04:17:02/11/2024
264 جار خوێندراوەتەوە
+
-
هانسی فلیک رایگەیاند بەرامبەر ئیسپانیۆل هەموو هەوڵێک
دەدەن هاندەران دڵخۆش بکەن.
لە لێدوانێکیدا پێش ڕووبەڕوبونەوەی ئیسپانیۆل لە
یارییەکانی خولی ئیسپانیا فلێک ئاماژەی بەوەکرد، ئەو یاریزانانەی ئامادەن بۆ
یاریکردن سەرجەمیان ئەگەری بەشداری کردنیان هەیە و لە کۆتاییدا بڕیار دەدات کام
یاریزان بەشداری پێبکات، چونکە لە تۆپی پێدا تەنیا 11 یاریزان لەسەرەتاوە دەتوانیت
بەشداری پێبکەی.
لە درێژەی لێدوانەکانیدا راهێنەرە ئەڵمانییەکە وتیشی
ئاراوخۆ لە راهێنانەکان زۆربەباشی یاری دەکات و جەستەی بە هێواشی ئامادەدەبێت بۆ
یاریکردن چونکە تووشی پێکانێکی سەخت بووە و نامانەوێت زەختی لەسەر دروست بکەین.
فلێک وتیشی گارسیا تووشی پێکانبووە لە ماسولکەکانی
ڕانیدا و بە ئەگەرێکی زۆرەوە پاش یاری هەڵبژاردەکان دەگەڕێتەوە یاریگاکان.
هانسی ئەوەشی راگەیاند ئێستا لەسەر رێگەیەکی راست دەرۆن
و دەیانەوێت ڕکابەری بردنەوەی سەرجەم نازناوەکان بکەن.
فلێک وتیشی یاری دێربی هەمیشە ئاڵۆزبووە بەڵام هەوڵ
دەدەین بەرامبەر ئیسپانیۆل دووبارە هاندەرانی یانەکەمان دڵخۆش بکەین.