لە تیروپشکی جامی ئەڵمانیا بایرن میونشن لە بەردەم یارییەکی ئاگریندایە

AM:09:24:30/08/2021

1032 جار خوێندراوەتەوە

+ -

تیروپشکی قۆناغی دووەمی جامی ئەڵمانیا ڕاکێشرا و بایرن میونشن لە یاری لوتکەدا بەرامبەر مونشنگلادباخ یاری دەکات.

لە شاری میونشن تیروپشکی قۆناغی دووەمی جامی ئەڵمانیا ڕاکێشرا و لە کێبڕکێکانی ئەو قۆناغەدا بایرن میونشنی خاوەن زۆرترین نازناو یاری لوتکە و ئاگرین بەرامبەر مونشنگلادباخ ئەنجامدەدات، هەروەها یانەى دۆرتمۆندی هەڵگری نازناو ڕووبەڕووی یانەى ئەنجولشتاتی پلە دوو دەبێتەوە.

هەر لە یارییەکانی هەمان قۆناغدا یانەى لایپزیگی دووەمی وەرزی ڕابردوو لە یارییەکی ئاساندا بەرامبەر یانەى بابلسبێرگی پلە چوار یاریدەکات و یارییەکانی قۆناغی دووەمی جامی ئەڵمانیا لە ڕۆژانی 26 و 27ی مانگی تشرینی دووەم بەڕێوەدەچێت.

وەرزی ڕابردوو لە جامی ئەڵمانیادا یانەى بروسیا دۆرتمۆند لە یاری کۆتایدا بەرامبەر یانەى لایپزیگ یاریکردوو توانی چوار بە یەک بردنەوە بەدەستبهێنێت و بۆ جاری پێنجەم لە مێژووی خۆیدا بووە پاڵەوان.