AM:01:19:22/01/2025
120 جار خوێندراوەتەوە
+
-
لە چامپیۆنز لیگ لیڤەرپول بە دوو گۆڵ بەرامبەر بە گۆڵێک شکستی بە لیل هێنا و ئەتلەتیکۆش لە لیڤەرکوزنی بردەوە.
لە یارییەکانی قۆناغی یەکەمی چامپیۆنز لیگ، لیڤەرپول لە یاریگای خۆیدا میوانداری لیلی کرد.
لە تایمی یەکەم، لیڤەرپول باشتر بینرا و پاش چەند هەوڵێک لە خولەکی 34 لە رێگای محەمەد سەڵاحەوە گۆڵی یەکەمیان تۆمارکرد.
لە تایمی، دووەم، لە خولەکی 62 جۆناسان دەیڤد ئەنجامەکەی بۆ یانەی میوان یەکسانکردەوە، بەڵام زۆری نەخایاند و لە خولەکی 67 هارڤی ئیلیۆت گۆڵی دووەمی ریدزی تۆمارکرد و سەرەنجامیش یارییەکە تا کۆتایی بەو ئەنجامە مایەوە.
بەم بردنەوەیەش لیڤەرپول حەوتەم بردنەوەی لەسەریەکی لە چامپیۆنز لیگ تۆمارکرد و خاڵەکانی لە پلەی یەکەم بوون بە 21 خاڵ، لیلیش 13 خاڵی هەیە لە پلەی 11یەم.
لە یارییەکانی تریشدا، ئەتلەتیکۆ مەدرید شکستی گۆڕی بە بردنەوە و بە دوو گۆڵ بەرامبەر گۆڵێک لە لیڤەرکوزنی بردەوە، یۆڤانتۆسیش دوو خاڵی گرنگی لەدەستدا و بەبێ گۆڵ لەگەڵ کلوب بروج یەکسان بوو.