AM:12:06:22/01/2025
232 جار خوێندراوەتەوە
+
-
ئینریکی پێیوایە گرنگترین یاری ساڵ بەرامبەر
مان سیتی ئەنجامدەدەن و گواردیۆلاش ستایشی
پاریسی کرد.
پێش روبەڕوبوونەوەی مانچستەر سیتی، لویس
ئینریکی راهێنەری پاریس سان جێرمان رایگەیاند، یارییەکەیان زۆر تایبەت دەبێت چونکە
روبەڕووی پیپ دەبێتەوە کە پێشتر وەک یاریزان و راهێنەر زۆر پێکەوە بوون.
سەبارەت بە گرنگی یارییەکەش وتی: ڕوونە کە یارییەکی زۆر گرنگە و دەبێت هەمووان ئامادەبن، مان سیتی هەشت خاڵی
هەیە و ئێمەش حەوت خاڵمان هەیە و لە هەمان کاتدا پێموایە یارییەکە هەر تیپێک هەوڵی
بەکارهێنانی باشترین چەکی خۆی دەدات و گرنگترین یاری ئەم وەرزەیە بۆ ئێمە.
لەبارەی ئەوەی ئایا بە شێوەی بەرگری یاری دەکەن، رایگەیاند، ئەگەر شتێک هەبێت
پێناسەی خۆی و گواردیۆلا بکات ئەوەیە کە هەردووکیان
حەز بە یاری هێرشبەری دەکەن، لەبەر ئەوەش چاوەڕێی یارییەکی بەهێز و بەچێژ دەکات.
لەلایەکی تریشەوە پیپ گواردیۆلای راهێنەری مان سیتی رایگەیاند، پاریس
یانەیەکی بەهێزە و بردنەوەشیان لە یارییەکەدا زۆر باش دەبێت بەڵام ئەگەر شکستیش
بهێنن هێشتا هەلی سەرکەوتنیان دەبێت.
پیپ شێوازە نوێیەکەی چامپیۆنز لیگیشی بە قورس ناوبرد، ئاماژەی بە
پیکانەکانی یانەکەشی کرد کە کاریگەری نەرێنی لەسەریان هەبووە.
وتیشی: من لویس ئێنریکی و شێوازی یاریکردنی پاریس سانجێرمانم خۆشدەوێت، تەنانەت
ئەگەر پاریس هەموو وەرزێک خولی فەرەنسا بباتەوە، بەڵام هێشتا ئەو ڕاستییە ناگۆڕێت
کە بردنەوەی ئەو خولە قورسە.