PM:08:43:21/01/2025
44 جار خوێندراوەتەوە
+
-
ئارتێتا دوپاتیکردەوە دینامۆ یانەیەکی بەهێزە
و پێویستە بەرامبەریان سەرکەوتن بەدەستبهێنن.
پێش روبەڕوبوونەوەی دینامۆ زەگرب لە چامپیۆنز
لیگ، میکێل ئارتێتای راهێنەری ئارسناڵ رایگەیاند، تا ئێستا کێبڕکێیەکی باشیان لە پاڵەوانێتییەکە
ئەنجامداوە و دەیانەوێت لە یاریگای خۆیاندا شکست بە یانەیەکی بەهێزی وەک دینامۆ بهێنن.
باسی لەوەشکرد، کالافیۆری و نوانێری لە پێکانەکانیان
چاکبوونەتەوە و بێگومان دەتوانن لە یارییەکەدا بەشداری بکەن، یانەی دینامۆ زەگربیش
خاوەن شێوازێکی تایبەتن و فەلسەفەی یاریکردنیان هەیە و لەبەر ئەوەش پێویستە
تیپەکەی ئاستێکی بەرز پێشکەش بکات.
سەبارەت بەوەی چەندین هێرشبەر ناویان بە
ئارسناڵەوە دەبەسترێتەوە راهێنەرەکە وتی: ئەمە بەردەوام ڕوودەدات و تەواو ئاساییە، من زۆر گرنگی بەم بابەتانە نادەم
و زۆر سەرقاڵم ناکەن.
جەختی لەوەشکردەوە، چەندین ساڵە میوزیک لە کاتی
راهێنانەکان بەکاردەهێنن و بەپێی بارودۆخیش دەیگۆڕن، ئەوەش یارمەتیدەریان دەبێت تا
راهێنانی باشتر ئەنجامبدەن.
زەردەشت شەهاب