AM:10:31:21/01/2025
228 جار خوێندراوەتەوە
+
-
بەرشەلۆنە
گرێبەستی خەیاڵی یانەکانی بایرن میونشن و مانچستەر سیتی و پاریس سان جێرمانی
رەتکردووەتەوە کە بۆ کڕینی یاماڵ پێشکەشیان کرابوو.
ئێل
ناسیۆناڵی ئیسپانی بڵاویکردووەتەوە ئاستە بەرزەکەی لامین یاماڵ بەتەواوی سەرنجی
هەموانی بەلای خۆیدا راکێشاوە و لەلای زۆرێک لە هاندەرانی تۆپی پێ بە میسی نوێ
دادەندرێت.
سەرچاوەکە
بڵاویکردووەتەوە یانەکانی ئەوروپا باش دەزانن ئەو ئەستێرە ئیسپانییە داهاتووی تۆپی
پێیە و لەهەر یانەیەک یاری بکات بەهەمان شێوەی لێۆنێل میسی ئاستی نمونەی پێشکەش
دەکات و کار ئاسانی دەکات لە بردنەوەی یارییەکان.
ئێل
ناسیۆناڵ ئەوەی ئاشکراکردووە بایرن میونشن لە ئەڵمانیا خواستی کڕینی یاریزانەکەیان
هەیە، مانچستەر سیتیش لە ئینگلتەرا و پاریس سان جێرمانیش لە فەرەنسا و هەر سێ
یانەکە ئەم هەڵوێستەیان بە لاپۆرتا راگەیاندووە.
ئەوەی
جێگەی سەرنجە گرێبەستەکەی یانە فەرەنسییەکە بۆ کڕینی یاماڵ زیاتربووە لە 250 ملیۆن
یۆرۆ، مووچەی یاریزانەکەش ساڵانە دە هێندەی مووچەی ئێستای بووە.
سەرچاوە
ئیسپانییەکان ئەوەیان ئاشکراکردووە بەرپرسانی یانە کەتەلۆنییەکە بێ ئەوەی بیر لە
گرێبەستەکان بکەنەوە، راستەوخۆ بە نەخێر وەڵامی هەر سێ یانەکە داوەتەوە و بەڕای
یانە کەتەلۆنییەکە یاماڵ ئەو یاریزانەیە دەتوانێت لە داهاتوودا چامپیۆنزلیگ
بگەرێنێتەوە یاریگاکەیان.
چ.س