PM:10:31:22/12/2021
852 جار خوێندراوەتەوە
+
-
لە خولی ئیتاڵیا ئینتەرمیلان حەوتەم بردنەوەی بەدوای یەکی بەدەستهێنا، ڕۆماش
نەیتوانی لە سامپدۆریا بباتەوە.
لە یارییەکانی هەفتەی 19ی خولی ئیتاڵیا، یانەی ئینتەرمیلانی پێشەنگی
ڕیزبەندی لە یاریگای جیۆسێپی میاتزا میوانداری یانەی تۆرینۆی کرد.
ئینتەر بە زەحمەت و بە ئەنجامی گۆڵێکی بێبەرامبەر یاریەکەی لە تۆرینۆ
بردەوە، تاکە گۆڵی یاریەکەش دۆمفریس لە خولەکی 30 تۆماریکرد.
لە یاریەکانی تردا، یانەی ڕۆما لەیاریگای خۆی نەیتوانی لە سامپدۆریا
بباتەوە و بە گۆڵێک لەگەڵیدا یەکسانبوو، بەهەمان ئەنجامیش یاری هیلاس ڤیرۆنا و فیۆرینتینا
کۆتاییهات.
بەم ئەنجامانە، ئینتەرمیلان بە 46 خاڵ لە پێشەنگی ڕیزبەندیدا دەبینرێت،
ڕۆما و فیۆرینتینا بە 32 خاڵ لەپلەکانی شەشەم و حەوتەمدان.
خ . ک