PM:07:43:22/12/2021
824 جار خوێندراوەتەوە
+
-
میورا ڕیکۆردەکان دەشکێنێت و لە تەمەنی 54 ساڵیدا هەشت یانە گرێبەستی
پێشکەش دەکات.
ئاژانسی کیۆدۆی ژاپۆنی ئاشکرایکرد، کازیۆشی میورای تەمەن 54 ساڵ دەیەوێت بۆ
وەرزێکی تر درێژە بە یاریکردن بدات، بۆ ئەو مەبەستەش هەشت یانە لە ناوخۆی ژاپۆن
گرێبەستیان پێشکەش کردووە.
ئاژانسی کیۆدۆ ئاشکرایکرد، میورای تەمەن 54 ساڵ گەورەترین یاریزانە لە خولی پلەیەکی وڵاتەکەى و
وەرزی ڕابردووش لە یانەى یۆکۆهاما یاریکرد، بەڵام بەهۆی دابەزینی بۆ ڕیزی یانە پلە
دووەکان بە ناچاری ڕیزەکانی بەجێهێشت، هەرچەندە گرێبەستەکەى لە حوزەیرانی 2022
کۆتایی دەهات.
ئاژانسەکە لە زاری میورا ئاشکرایکرد، یاریزانەکە تا ئەم ساتە کە لە لایەن
هەشت یانەی پلەیەکەوە گرێبەستی پێشکەش کراوە، بڕیاریداوە یانەیەکی گونجاویان
هەڵبژێرێت تا بۆ وەرزی داهاتو ڕووی تێبکات و بەردەوام بێت لە یاریکردن.
میۆرا لە ساڵی 1986 وە لە ڕیزی سانتۆسی بەڕازیلی دەستی بە یاریکرد، کە لەو
سەردەمەدا خولی پیشەگەر لە ژاپۆندا بوونی نەبووە و لە لێدوانێکیشدا بۆ ئاژانسی
ڕۆیتەرز ئەوەى ئاشکراکردووە مانەوەى لە یاریگان پەیوەست بووە بە خۆشەویستی بۆ تۆپی
پێ نەک بۆ بە ناوبانگ بوون.
خ . ک