PM:05:43:22/12/2021
2344 جار خوێندراوەتەوە
+
-
یەکێتی تۆپی پێ و
ڕابیتەی لالیگا لە ئیسپانیا ڕێکاری توند بۆ بەرەنگاربوونەوەى بڵاوبوونەوەى کۆرۆنا
لە یاریگاکان دەگرنەبەر.
ڕاپۆرتە
ڕۆژنامەنووسییەکانی ئیسپانیا بڵاویانکردەوە، یەکێتی تۆپی پێی ئیسپانیا و ڕابیتەی لالیگا
ڕێکاری نوێیان بۆ ڕێگرتن لە بڵاوبونەوەى زیاتری کۆرۆنا لە نێو یاریزانانی یانەکانی
ئیسپانیا گرتەبەر و ڕاستەوخۆ چووە بواری جێبەجێکردنەوە.
ڕاپۆرتەکان ئاشکرایان
کرد، سێ بڕیاری نوی چووەتە بواری جێبەجێکردنەوە کە یەکەمیان داواکاری هەریانەیەک
بۆ دواخستنی یارییەکان ڕەتدەکرێتەوە ئەگەر پێنج یاریزانی سەرەکی توانای یاریکردنیان
هەبێت.
دووەم بڕیاریش
پشکنینی ڕۆژانەى یاریزانانە و ئەنجامدانی پشکنینی بی ئاڕ سییە بۆ ئەوانەى لە سێ
ڕۆژ زیاتر پشوو وەردەگرن، بڕیاری سێیەمیش خۆشتنە لە پێش و دوای یارییەکان و ڕێگەش
نادرێت چی تر ژووری جل گۆڕین بەکاربهێنرێت و دەبێت سەرجەم یاریزانان لە
ماڵەکانیانەوە بە جلی یارییەوە بچنە یاریگا.
شەپۆلێکی تری کۆرۆنا
بە چڕی لەنێو یاریزانان لە خولی ئیسپانیا بڵاوبووەتەوە و تا ئەم ساتەش یانەکانی
ڕیاڵ مەدرید و ڕایۆڤایکانۆ زۆرترین ڕێژەى توشبوونی یاریزانانیان بە ڤایرۆسەکە
تۆمارکردووە کە زیاتر لە 20 کەسە لە نێوان یاریزانان و تیمی هەنەری و کارمەندانی
هەردوو یانەکە.