PM:03:46:22/12/2021
660 جار خوێندراوەتەوە
+
-
ڕانیک لە ڕێگەى باوکی
هالاندەوە هەوڵی گواستنەوەى هێرشبەرە نەرویجییەکە دەدات بۆ مانچستەر یونایتد.
ڕۆژنامەی ئیم ئی
ئێنی بەریتانی ئاشکرایکرد، بۆبەهێزکردنی پێکهاتەی مانچستەر یونایتد بۆ ڕکابەرییەکانی
وەرزی داهاتوو ڕالف ڕانیکی ڕاهێنەری مان یونایتد داوای لە باوکی هالاند کردووە
کاریگەری لەسەر هالاندی کوڕی درووستبکات تا لە مێرکاتۆدا پەیوەندی بە یانەکەى ئۆڵد
ترافۆردەوە بکات.
ڕۆژنامە
بەریتانییەکە ئاشکرایکرد، کارگێڕی مانچستەر یونایتد باش دەزانێت گواستنەوەى هالاند
سەروو 100 ملیۆن یۆرۆ لەسەر یانەکەى ئۆڵد ترافۆرد دەکەوێت بەڵام ناچار دەبێت ئەو
کارە ئەنجامبدات تا بتوانێت وەرزی داهاتوو ڕکابەری سەرەکی بێت لە بەدەستهێنانی
نازناوی پریمەرلیگ کە ماوەى هەشت وەرزە خەونی پێوە دەبینێت.
هالاند دڵخوازی
زۆرێک لە یانەکانە بە تایبەتی ڕیاڵ مەدرید و هاوینی داهاتووش لە ئەگەری جێهێشتنی
دۆرتمۆند ناوی ئەو یانەیە ئاشکرادەبێت کە 10یان ملیۆن یۆرۆ لە پێناو هێرشبەرە
نەرویجییەکەى سیگناڵ ئایدونا پارک تەرخان دەکات تا بەرەو ڕیزەکانی بیگوازێتەوە.