AM:10:19:22/12/2021
612 جار خوێندراوەتەوە
+
-
مانچستەر یونایتد بیرۆکەى ڕۆیشتنى کاڤانى لە گواستنەوەى زستانەدا ڕەتدەکاتەوە
و بەرشەلۆنە و یۆڤانتۆسى بێ هیواکرد.
ڕۆژنامەى دەیلى مەیلى بەریتانى بڵاویکردووەتەوە، یانەى مانچستەر یونایتدى
ئینگلیزى بیرۆکەى ڕۆیشتنى ئیدنسۆن کاڤانى ئۆرۆگوایى هێرشبەرى یانەکەى ڕەتدەکاتەوە پێش
کۆتایى هاتنى گرێبەستەکەى لە هاوینى داهاتوودا.
گرێبەستەکەى کاڤانى لە کۆتایى ئەم وەرزەدا تەواودەبێت و ڕاپۆرتە ڕۆژنامەنوسیەکانیش
ئاماژەیان بەوەدەکرد، لە گواستنەوەى زساتانەدا پەیوەندى بە یانەى بەرشەلۆنەى
ئیسپانى یان یۆڤانتۆسى ئیتاڵییەوە دەکات.
بەرپرسانى شەیتانە سورەکە بەردەوامبوونى کاڤانى لە یانەکەیاندا لە شەش
مانگى داهاتوودا بە گرنگ دەزانن، هەرچەندە لەم وەرزەدا تەنیا لە سێ یاریدا بە
سەرەکى یاریکردووە، ئەمەش بەهۆى پێکان و گەڕانەوەى کریستیانۆ ڕۆناڵدۆى
پورتوگالییەوە، کە ئەم پێکهاتەى سەرەکى قۆڕخکردووە.
کاڤانى 34 ساڵ دواى تەواوبوونى گرێبەستەکەى لەگەڵ پاریس لە 2020دا پەیوەندى
بە مانچستەر یونایتدەوە کرد و لەم وەرزەدا بەشدارى لە پێنج یارى پریمەر لیگ و سێ
یارى چامپیۆنز لیگدا کردووە و گۆڵێکى تۆمارکردووە.
گ . ف
