لە جامی سوپەری ئەوروپا، خاکی ئیتاڵیا و یاریگای بلو ئینێرجی یانەکانی پاریس سان جێرمانی فەرەنسی پاڵەوانی چامپیۆنز لیگ و تۆتنهامی ئینگلیزی پاڵەوانی یۆرۆپا لیگی کۆکردەوە.
تایمی یەکەم، پاریس کۆنترۆڵی یاریگای کرد، بەڵام ئەوە بەس نەبوو بۆ تۆمارکردنی گۆڵ، بە پێچەوانەوە لە خولەکی 39 ڤان دی ڤێن گۆڵی یەکەمی بۆ کەتیبەکەی ئینگلیز تۆمارکرد، نیوەی یەکەمیش بەو تاکە گۆڵە کۆتاییهات.
لە تایمی دووەم، پاریس زیاتر هاتە پێشەوە بۆ یەکسانکردنەوەی ئەنجامەکە، بەڵام بەهێزی تاکتیکی تۆماس فرانک گۆڵی دووەمیشی لە خولەکی 48 بە سپێرز بەخشی گۆڵەکەش رۆمێرۆ تۆمارییکرد.
پاریس لە هەوڵەکانی بەردەوامبوو تا لە خولەکی 85 لی کانگ ئین ئەنجامەکەی بۆ گۆڵێک لە بەرژەوەندی تیپەکەی ئینریکی کەمکردەوە و لە کاتی زیادکراویش رامۆس بووە فریادرەس و ئەنجامەکەی هێنایەوە خاڵی دەستپێک.
ئەو دوو گۆڵە پاریسیان زیندوو کردەوە و یارییەکەیان گەیاندە لێدانی یەکلاکەرەوە، لە لێدانە یەکلاکەرەوەکان پاریس بە چوار گۆڵ بەرامبەر بە سێ گۆڵ بردنەوەی بەدەستهێنا.
پی ئێس جی بەو ئەنجامە بووە پاڵەوان و بۆ یەکەم جار لە مێژوویاندا نازناوەکەیاب بەدەستهێنا، یانە فەرەنسییەکە ژمارەی نازناوەکانی لەم وەرزەدا بۆ پێنج نازناو بەرزکردەوە.