PM:03:58:31/08/2025
64 جار خوێندراوەتەوە
+
-
لە خولی سکۆتلەندا یاری
لوتکەی نێوان سێڵتیک و رێنجێرس بەبێ گۆڵی یەکسان کۆتایی پێهات.
لە یاری لوتکەی هەفتەی چوارەمی
پریمەر شیپی سکۆتلەندا، رێنجێرس لە یاریگای خۆیدا میوانداری سێڵتیکی کرد.
لە تایمی یەکەم،
یارییەکە ئاستێکی مامناوەندی پێوەبینرا، وە درێژای تایمەکە تەنها دوو تۆپ ئاراستەی
گۆڵپارێز کرا ئەویش لەلایەن هێرشبەرانی یانەی خاوەن یاریگاوە بوو کە هیچ گۆڵێکی
لێنەکەوتەوە.
لە تایمی دووەم،
سیناریۆی یارییەکە جیاواز بوو، یانەی سێڵتیک بە تەواوی دەستی بەسەر یارییەکەدا گرت
و چەندین هێرشیان بردە سەر گۆڵی رێنجێرس بەڵام هەوڵەکانی ئەوانیش بێ ئاکام بوو،
سەرەنجامیش یارییەکە بەبێ گۆڵی یەکسان کۆتایی پێهات.
بەم ئەنجامەش، سێڵتیک
خاڵەکانی بوون بە 10 خاڵ و پلەی یەکەمی گرتووە، رێنجێرس چوارەم یەکسانی ئەم وەرزەی
نوسییەوە و بە چوار خاڵ پلەی شەشەمی گرتووە.