PM:11:58:08/08/2025
140 جار خوێندراوەتەوە
+
-
لە یارییە دۆستانەکاندا چێڵسی و ئینتەر میلان شکستیان بە بایەر لیڤەرکوزن و مۆناکۆ هێنا.
لە یارییە دۆستانەکانی ئامادەکاریی بۆ وەرزی نوێ، یانەکانی چێڵسی ئینگلیزی و بایەر لیڤەرکوزنی ئەڵمانی رووبەرووی یەکتر بوونەوە.
تایمی یەکەم، بلوز باشتر دەرکەوت و ئیستیڤاوی بەرازیلی گۆڵی یەکەمی خۆی و پێشکەوتنی بۆ بلوز تۆمارکرد، نیوەی یەکەمیش بەو تاکە گۆڵە کۆتایی هات.
لە تایمی دووەم، سیناریۆی یارییەکە بە هەمان ئاراستەدا رۆیشت و لە خولەکی 90 جواو پیدۆ گۆڵی دووەمی یانە لەندەنییەکەی هێنایە بەرهەم، بە درێژایی یارییەکەش لیڤەرکوزن چەندین هەوڵی مەترسیداری بۆ سەر گۆڵی یۆرگینسن هەبوو بەڵام گۆڵیان پێ تۆمار نەکرا.
سەرەنجام یارییەکە بە دوو گۆڵی بێوەڵام لە سودی چێڵسی کۆتایی هات، لە یارییەکی دیکەشدا ئینتەر میلانی ئیتاڵی بە دوو گۆڵ بەرامبەر بە گۆڵێک لە مۆناکۆی فەرەنسی بردەوە