PM:09:55:05/08/2025
260 جار خوێندراوەتەوە
+
-
مێهدی تارمی رەتیکردووەتەوە پەیوەندی بە خولی
بەڕازیلیەوە بکات و دەیەوێت لە ئەوروپا بمێنێتەوە.
مێهدی تارمی یاریزانی یانەی ئینتەرمیلانی بیرۆکەی
گواستنەوەی بۆ یانەی فلامینگۆی بەڕازیلی لە ماوەی گواستنەوەی هاوینەی ئێستادا رەتکردوەتەوە
و پێی باشترە چاوەڕێی ئۆفەرە ئەوروپییەکان بکات.
بەپێی هەواڵێکی سکای سپۆرتی ئیتاڵیا، فلامینگۆ
ئۆفەرێکی فەرمی پێشکەشی ئینتەرمیلان کردووە بۆ گواستنەوەی تارمی، دوای ئەوەی هەوڵی
سەرەتایی بۆ گواستنەوەی لوکاس بێلترانی هێرشبەری ئەرجەنتینی لە یانەی فیۆرێنتینا
شکستی هێنا.
تۆڕەکە ڕوونیشیکردووەتەوە، تارمی 33 ساڵان لە
ئێستادا بیر لە تاقیکردنەوە لە خولی بەڕازیل ناکاتەوە، چاوەڕێی هاتنی ئۆفەری
یانەکانی ئەوروپا دەکات، ئەمەش لە کاتێکدایە کە بێشکتاش، فولهام، وێستهام، لیدز
یونایتد و بۆتافۆگۆ بە ئارەزووی گرێبەستکردن لەگەڵیدا دەکەن.
ئەمە لە کاتێکدایە یاریزانە ئێرانییەکە لە
پلانەکانی ئینتەر میلان بۆ وەرزی نوێ دوورخراوەتەوە، سەرەڕای ئەوەی گرێبەستەکەی
لەگەڵ نێرازۆری لە هاوینی 2027 بەسەردەچێت.