PM:10:57:14/05/2025
636 جار خوێندراوەتەوە
+
-
پاش
ئەوەی دەوترا رۆدریگۆ چیتر بۆ ریاڵ مەدرید یاری ناکاتەوە یاریزانەکە بە پەیامێک
وەڵامی دەنگۆکانی دایەوە.
رۆدیگۆ
لە ستۆری ئینستاگرام وێنەیەکی خۆی بڵاوکردووەتەوە، دەردەکەوێت چارەسەری پێکانەکەی
وەردەگرێت و داوادەکات رۆژنامەکان واز لە چەواشەکاری بهێنن، لەسەر ستۆرییەکەش نووسیوویەتی: سوپاس بۆ هەموو
پەیام و نیگەرانییەکانتان، بەمزووانە دەگەڕێمەوە، واز لە شت هەڵبەستن بهێنن.
ئەم
پەیامەی رۆدریگۆش لەکاتێکدایە میدیاکانی ئیسپانیا بڵاویانکردبووەوە گوایە رۆدریگۆ
پێکانی نییە، بەڵکو بڕیاریداوە یاریی بۆ ریاڵ مەدرید نەکاتەوە چیتر و لەم هاوینە
یانەکە جێدەهێڵێت، بە ئەنقەستیش بەشداری لە یاری کلاسیکۆ
نەکردووە.
دەنگۆکان بە جۆرێک بوو، دەوترا هێرشبەرە بەڕازیلییەکە
لەلایەن چەندین یانەوە گرێبەستی پێشکەش کراوە و پاش ماوەیەکی تر بڕیار لەسەر
داهاتووی دەدات لەنێوان یانەکانی پاریس و مان سیتی و ئارسنال و چەند یانەیەکی تر،
بەڵام رۆدریگۆ لە رێگەی ئەو پەیامە کورتەوە رای هەمووانی سەبارەت بە داهاتووی خۆی
گۆڕی و دووبارە چاوەڕێ دەکرێت لەگەڵ ریاڵ مەدرید بەردەوام بێت.