PM:09:38:21/01/2025
100 جار خوێندراوەتەوە
+
-
لە جامی ئوسترالیا جۆکۆڤیچ شکستی بە ئەلکاراز
هێنا و گەیشتنی بە قۆناغی پێش کۆتایی مسۆگەرکرد.
لە یارییەکانی قۆناغی چارەکی کۆتایی جامی
ئوسترالیا، نۆڤاک جۆکۆڤیچی سڕبی و کارلۆس ئەلکارازی ئیسپانی روبەڕووی یەکتر
بوونەوە.
لە کۆمەڵەی یەکەم جۆکۆ بەباشی دەستپێکرد
بەڵام بەهۆی ئەوەی هەستی بە ئازارکرد ئەو کۆمەڵەیەی بە ئەنجامی چوار بە شەش
دۆڕاند.
بەڵام دواتر جۆکۆڤیچ گەڕایەوە نێو کەشی
یارییەکە و توانی سێ کۆمەڵەی لەسەریەک بردنەوە بەدەستبهێنێت، خاڵی کۆمەڵەکانیش، شەش
بەرامبەر بە چوار و شەش بەرامبەر بە سێ و شەش بەرامبەر بە چوار بوون.
بەو ئەنجامەش نۆڤاک جۆکۆڤیچ یاری لوتکەی قۆناغەکەی
لە کارلۆس ئەلکاراز بردەوە و گەیشتە قۆناغی پێش کۆتایی، لە یارییەکی تریشدا ئەلیکساندەر
زڤێرڤی ئەڵمانی بە سێ کۆمەڵە بەرامبەر بە کۆمەڵەیەک شکستی بە تۆمی پاوڵی ئەمریکی
هێنا و گەیشتە هەمان قۆناغ.