PM:12:40:21/01/2025
104 جار خوێندراوەتەوە
+
-
ئارسناڵ 25 ملیۆن یۆرۆ و تۆماسیۆی پێشکەشی سۆسیداد
کردووە لە پێناو گواستنەوەی زوبیمێندی.
یانەی ئارسیناڵی ئینگلیزی لەسەرداوای میکیل ئارتێتای
راهێنەر پێداگرن لەسەر گواستنەوەی مارتن زوبیمێندی ئەستێرەی یانەی ریاڵ سۆسیداد.
ئێل ناسیۆناڵ بڵاویکردووەتەوە بەرپرسانی گەنەرز ئامادەن
لە بەرامبەر پێدانی ئەو ئەستێرە ئیسپانییە 25 ملیۆن یۆرۆ و تۆماسیۆ پێشکەشی
سۆسیداد بکەن.
ئەم گرێبەستەی ئارسناڵ نوێیە بۆ یانە ئیسپانییەکە چونکە
لە ماوەکانی رابردوودا هەر یانەیەک ئارەزووی گواستنەوەی زوبیمێندی کردبێت، تەنها
پارەی پێشکەشکردووە بەڵام گەنەرز ئامادەیە یەکێک لە یاریزانەکانیشی بخاتە نێو
گرێبەستەکەوە.
سەرچاوەکان باسیان لەوەکردووە یاریزانەکە دڵنیانییە لە
رۆشتنی لە یانەی ریاڵ سۆسیداد چونکە لە تەمەنی منداڵییوە لەو یانەیە یاری دەکات،
ئەگەرنا باش دەزانێت یانەکانی بایرن میونشن و مانچستەر سیتی و ئارسناڵ ئامادەن بە
مووچەیەکی باش بیگوازنەوە.
گرێبەستی ئەستێرە ئیسپانییەکە لەگەڵ یانەکەی لە
حوزەیرانی ساڵی 2027 کۆتایی پێدێت و یاریزانەکە بەبێ گەرانەوە بۆ سۆسیداد ناتوانێت
لەگەڵ هیچ یانەیەکدا گفتوگۆ ئەنجام بدات.
چ.س