AM:11:20:21/01/2025
112 جار خوێندراوەتەوە
+
-
لەسەرداوای فابریگاس کۆمۆ دەیانەوێت گارسیا لە بەرشەلۆنە
بگوازنەوە بەمەبەستی بەهێزکردنی ریزەکانیان.
سیسک
فابریگاسی، راهێنەری ئیسپانی یانەی كۆمۆی ئیتاڵی دەیەوێت یانەکەی بەهێنانی چەند
یاریزانێک بەهێزتر بکات بۆئەوەی بتوانن ڕکابەری پلەکانی پێشەوە بکەن.
تۆری
ریلیڤیۆ بڵاویکردووەتەوە لەسەرداوای راهێنەرە ئیسپانییەکە کارگێری یانەی کۆمۆ
ئامادەن گرێبەست پێشکەشی بلەوگرانا بکەن لە پێناو گواستنەوەی ئێریک گارسیا لەم
مانگەدا.
گرێبەستەكەی
گارسیا لەگەڵ بەرشەلۆنە لە هاوینی ساڵی 2026 کۆتایی پێدێت و تاوەکوو ئێستا هیچ
ئاماژەیەک نییە بۆ نوێ کردنەوەی ماوەکەی.
سەرچاوەکە
ئەوەی ئاشکراکردووە کۆمۆ ئامادەیە 10 ملیۆن یۆرۆ لە پێناو گواستنەوەیدا خەرج بکات،
بەڵام ئەوەی رێگرە خواستی یاریزانەکە لە مانەوە لە خولی ئیسپانیا و یاریکردن بۆ
یانەیەکی لالیگا بەتایبەت جیرۆنا.
ئەستێرە
ئیسپانییەکە لەگەڵ یانە کەتەلۆنییەکە 86 یاریی ئەنجامداوە و لەوماوەیەدا توانیوێتی
دوو گۆڵ بكات و سێ گۆڵیش درووست بكات.