PM:08:22:22/12/2024
376 جار خوێندراوەتەوە
+
-
لە خولی ئیسپانیا ریاڵ مەدرید بە چوار گۆڵ بەرامبەر بە دوو گۆڵ شکستی بە
سیڤییە هێنا و چووە دووەمی ریزبەندی.
لە یارییەکانی هەفتەی 18یەمی خولی ئیسپانیا، ریاڵ مەدرید میوانداری سیڤییەی
کرد.
لە تایمی یەکەم، ریاڵ مەدرید باشتر بینران و لە خولەکەکانی 10 و 20 و 34 سێ
گۆڵیان لە ڕێگای مباپێ و ڤاڵڤێردی و رۆدریگۆوە تۆمارکرد، بەڵام گۆڵی سێیەمی ریاڵ زۆری
نەخایاند و لە خولەکی 35 رۆمیرۆ گۆڵێکی بۆ کوڕانی سیڤییە تۆمارکرد و ئەو تایمەش بەو
ئەنجامە کۆتایی پێهات.
لە تایمی دووەم، ریاڵ مەدرید لە خولەکی 53 لە رێگای برایم دیازەوە چوارەم
گۆڵیان تۆمارکرد، یارییەکە بەو ئەنجامە درێژەی کێشا تا خولەکەکانی کۆتایی و لە خولەکی
85 لوکیباکیۆ دووەم گۆڵی بۆ سیڤییەی میوان تۆمارکرد.
سەرەنجامیش یارییەکە بە چوار گۆڵ بەرامبەر بە دوو گۆڵ کۆتایی پێهات و ریاڵ
مەدرید خاڵەکانی بۆ 40 خاڵ بەرزکردەوە و لە پلەی دووەم دێت، سیڤییەش 22 خاڵی هەیە
لە پلەی 12یەم.