PM:09:34:22/12/2024
152 جار خوێندراوەتەوە
+
-
لە خولی ئینگلتەرا لیڤەرپول بە شەش گۆڵ بەرامبەر بە سێ گۆڵ شکستی بە
تۆتنهام هێنا.
لە یارییەکانی هەفتەی 17یەمی خولی ئینگلتەرا، تۆتنهام لە یاریگای خۆیدا
میوانداری لیڤەرپولی کرد.
لە تایمی یەکەم، لیڤەرپول باشتر بینران و لە خولەکەکانی 23 و 36 دوو گۆڵی
لەڕێگای لویس دیاز و ماک ئەلیستەرەوە تۆمارکرد، لە بەرامبەردا لە خولەکی 41 مەدیۆسن
گۆڵێکی بۆ سپێرز تۆمارکرد و پێش کۆتایی تایمەکەش لە خولەکی یەکی کاتی زیادکراو سۆبۆسلای
چوارەم گۆڵی بۆ ریدز تۆمارکرد.
لە تایمی دووەم، لیڤەر دووبارە بە بەهێزیەوە گەڕایەوە و لە خولەکەکانی 54 و
61 دوو گۆڵی تریان تۆمارکرد لەڕێی محەمەد سەڵاحەوە، هەرچەند لە خولەکەکانی 72 و 85
تۆتنهام بە دوو گۆڵی کولۆسێڤسکی و سۆلانکی جیاوازییەکەیان کەمکردەوە بەڵام لە
خولەکی 85 لویس دیاز شەشم گۆڵ و کۆتا گۆڵی یارییەکەی تۆمارکرد.
سەرەنجام یارییەکە بە شەش گۆڵ بەرامبەر بە دوو گۆڵ بەبردنەوەی لیڤەرپول
کۆتایی پێهات و خاڵەکانیان لە پلەی یەکەمی ریزبەندی بۆ 39 خاڵ بەرزکردەوە، تۆتنهامیش
23 خاڵی هەیە و لە پلەی11یەم دێت.