AM:01:02:22/12/2024
268 جار خوێندراوەتەوە
+
-
لە خولی ئیسپانیا یانەی ئەتلەتیکۆ مەدرید لە دواساتەکان بە گۆڵێکی بکوژ
شکستی بە بەرشەلۆنە هێنا و چووە پێشەنگی ریزبەندی.
لە هەفتەی 18ی خوی ئیسپانیا و لە یاری لوتکەی ئەو هەفتەیە یانەی بەرشەلۆنە
لە یاریگای مۆنجویک میوانداری ئەتلەتیکۆ مەدریدی کرد.
تایمی یەکەم، بەرشەلۆنە باشتر دەرکەوت و یاریزانانی دیگۆ سیمیۆنی بە بەرگری
یارییان دەکرد تا لە خولەکەی 30 پێدری بە ئەسیستێکی نایابی گاڤی گۆڵی پێشکەوتنی
بلاوگرانای تۆمارکرد.
لە تایمی دووەم، رۆخیبلانکۆس هەمان شێوازی یاری بەکاردەهێنا بەڵام لە هێرشە
هەڵگەڕاوەکان سەرکەوتووبوون تا لە خولەکی 60 دی پاول ئەنجامەکەی یەکسانکردەوە، لە
خولەکەی شەشەمی کاتی زیادکراویش سۆرلۆس بە ئەسیستی مۆلینا گۆڵێکی کوشندەی لە تۆڕی
گۆڵی پینیا تۆمارکرد.
سەرەنجام یارییەکە بە دوو گۆڵ بەرامبەر بە گۆڵێک لە سودی ئەتلەتیکۆ مەدرید
کۆتایی هات، بەم ئەنجامە یانە مەدریدیەکە بە کۆکردنەوەی 41 خاڵ چووە پێشەنگی
ریزبەندی و بەرشەلۆنە بە 38 خاڵ پلەی دووەمی گرتووە.
بیلال کاکە