PM:05:16:05/05/2024
80 جار خوێندراوەتەوە
+
-
ئایندهۆڤن
پێش کۆتایی هاتنی خولی هۆڵەندا بە دوو هەفتە بووە پاڵەوان و ئامارێکی نایابی
تۆمارکرد.
ئایندهۆڤن
بووە پاڵەوانی خولی هۆڵەندا پێش دوو هەفتە
لە کۆتایی هاتنی خولەکە ئەویش پاش ئەوەی توانی بە چوار گۆڵ بەرامبەر بە دوو گۆڵ لە
سپارتا رۆتردام بباتەوە و خاڵەکانی بوون بە 87 خاڵ و جیاوازییەکەی لەگەڵ فاینۆردی
دووەم کرد بە 12 خاڵ.
یانەکە
لەم وەرزەی خولی هۆڵەندا بە ئاستێکی نایابەوە دەرکەوتووە، لە کۆی 32 یاری کە تا
ئێستا ئەنجامیداوە خاوەنی 28 بردنەوە و سێ یەکسان و تەنیا یەک شکستە، لەم وەرزەدا
لە خولی هۆڵەندا توانیویەتی 107 گۆڵ تۆماربکات، وە تەنیا 19 گۆڵی لێکراوە.
وە لە دوای وەرزی 2017-2018 ئەمە یەکەمجار بوو ئایندهۆڤن
بە نازناوی خولی وڵاتەکەی شاد بێتەوە، ئەم نازناوەش 25 نازناوی خولی هۆڵەندا بوو
بەدەست بهێنێت لە مێژوودا و لە پلەی دووەم دێت لە دوای ئەیاکس ئەمستردامەوە کە 36
جار بووەتە پاڵەوان.
لە
ئێستادا ئایندهۆڤن پاڵەوان بوونی مسۆگەرکردووە و پاش تێپەڕبوونی 32 هەفتە 87 خاڵی
هەیە، فاینۆرد لە پلەی دووەم دێت بە 75 خاڵەوە، پلەی سێیەمیش بە ناوی یانەی
توێنتیەوەیە کە خاوەنی 63 خاڵە، یانەکانی ئەلکەمار و ئەیاکسیش لە پلەکانی چوارەم و
پێنجەم دێن.