PM:10:24:22/04/2024
236 جار خوێندراوەتەوە
+
-
خیسۆس متمانەی بە تیپەکەی هەیە ریمۆنتادا ئەنجامبدەن و کریسپۆش دەڵێت
بۆ بردنەوە هاتونەتە ریاز.
پێش روبەڕوبوونەوەی عەینی ئیماراتی لە یاری چوونی قۆناغی چارەکی
کۆتایی چامپیۆنزلیگی ئاسیا، خیسۆسی راهێنەری هیلال وتی: ئەمە یەکەمجارە
لە یاری گەڕانەوەدا بچینە یاریگا لە کاتێکدا لە پاش یانەی بەرامبەرەوەبین، بەڵام بەڕاستی
باوەڕمان بە ڕیمۆنتادا هەیە، هیوادارم بتوانین بە بردنەوە و پێشکەوتن هاندەران دڵخۆش
بکەین، پێشتر زۆرجار ڕیمۆنتادام کردووە، هیوادارم ئەم جارەش بتوانین ئەنجامی
بدەین.
ئاماژەی
بەوەشکرد، ئەوان بە باشی یانەی بەرامبەر دەناسن و دەزانن لەم پاڵەوانێتییەدا چ
ئاستێکی بەرزیان پێشکشەکردووە، عەین بەرگرییەکی باش دەکات، بەڵام متمانەی بە خۆیان
هەیە کە بتوانن قەرەبووی شکستی یاری پێشوویان بکەنەوە.
لەلایەکی تریشەوە،
کریسپۆی راهێنەری عەین رایگەیاند، بۆ بردنەوە گەشتی ریازیانکردووە و تەواوی هەوڵی خۆشیان
دەدەن، پێشیوایە هیلال پاڵێوراوی نازناوەکەیە بەڵام دەیانەوێت بە پشتیوانی
هاندەرانیان شکستیان پێبهێنن.
وتیشی: ئێمە بە
وزەیەکی زۆرەوە هاتووین بۆ ئێرە و دەمانەوێت هەموو هەوڵێک بدەین، شانازی بەو شتانە
دەکەین کە بەدەستمان هێناوە و بردنەوە لە هیلال بۆ من شتێکی سەرسوڕهێنەر نەبوو، بەڵام
هەمووان بە سوپرایز دەیبینن چونکە هیلال ئامادەکاری بۆ بوون بە پاڵەوان کردبوو، لەکاتێکدا
ئێمە تەنیا رکابەریمان دەکرد.