PM:03:19:30/08/2021
1176 جار خوێندراوەتەوە
+
-
بۆ دووەم جارە ڕۆما حەوت گۆڵ لە دوو یارى سەرەتاى سێریا ئەیدا تۆماربکات و مۆرینیۆ
ئەو ژمارەیەى دووبارەکردەوە.
یانەى ڕۆما بە چوار گۆڵى بێ بەرامبەر لە یانەى سالێرنیتاناى بردەوە، لە
هەفتەى دووەمى خولى پلە یەکى تۆپى پێى ئیتاڵیادا.
تۆڕى ئۆپتا بۆ ئامارەکان بڵاویکردەوە، ڕۆما بۆ دووەم جارە لە 1970وە حەوت
گۆڵ لە دوو یارى سەرەتاى خولى ئیتاڵیادا تۆمابکات، کە جارى یەکەم لە وەرزى 2003 بۆ
2004دا بووە.
خۆسێ مۆرینیۆى پورتوگالى ڕاهێنەرى گورگەکانى ئیتاڵیا دواى 17 ساڵ ئەو
ژمارەیەى دووبارەکردەوە، کە لە یارى هەفتەى یەکەمیشدا بە سێ گۆڵ بەرامبەر بە گۆڵێک
لە یانەى فیۆرینتیناى بردەوە.
لە ئێستادا ڕۆما بە شەش خاڵ لە پلەى سێیەمى ڕیزبەندى سێریا ئەیدایە و حەوت
گۆڵى تۆمارکردووە و تەنیا گۆڵێکى لێ تۆمارکراوە.
خۆسێ مۆرینیۆى 58 ساڵ لە سەرەتاى ئەم وەرزەدا گرێبەستى لەگەڵ ڕۆما
ئیمزاکرد، دواى ئەوەى لە پۆستى ڕاهێنەرایەتى یانەى تۆتنهامى ئینگلیزى دوورخرایەوە.
گ . ف