PM:06:57:28/08/2021
4184 جار خوێندراوەتەوە
+
-
ڕیاڵ مەدرید بەشێوەیەکی فەرمی ڕۆشتنی ئۆدریۆزۆلای بۆ
فیۆرنتینای ئیتاڵی ڕاگەیاند.
ڕیاڵ مەدرید بەیاننامەیەکی ڕەسمی بڵاوکردەوە و ڕایگەیاند
لەماوەی گواستنەوەی مێرکاتۆی هاوینەدا ئۆدریۆزۆلای یاریزانی یانەکەیان ڕوویکردۆتە
یانەی فیۆرنتینای ئیتاڵی.
بەپێی ماڵپەڕی فەرمی یانەکە، ڕیاڵ مەدرید و فیۆرنتینا ڕێککەوتوون
کە تا 30ی حوزەیرانی 2022 ئەلڤارۆ ئۆدریۆزۆلا بەشێوەی خواستن یاری بۆ یانە
ئیتاڵیەکە بکات.
ئەلڤارۆ ئۆدریۆزۆلا لە 14ی کانوونی یەکەمی 1995 لە شاری
سان سباستیان (ئیسپانیا) لە دایک بووە و درێسی یانەکانی ڕیاڵ مەدرید و بایرن میونخ
و ڕیال سۆسیدادی پۆشیوە و چەندین نازناوی بەدەست هێناوە لەوانە بۆندسلیگا، جامی ئەڵمانیا.
ئەلڤارۆ ئۆدریۆزۆلا وەرزی ڕابردوو بەدرێسی ڕیاڵ مەدریدەوە
16 یاری ئەنجامدا و دوو گۆڵی تۆمارکرد و چوار یاری بۆ هەڵبژاردەی ئیسپانیاش
ئەنجامدا.