AM:09:09:28/08/2021
6268 جار خوێندراوەتەوە
+
-
پاریس بە ئاسانی دەستبەرداری مباپێ نابێت و بەردەوامە لە ڕەتکردنەوەی
گرێبەستەکانی ڕیاڵ مەدرید.
ڕۆژنامەی لۆ پاریزیانی فەرەنسی بڵاویکردوەتەوە، بەرپرسانی پاریس سان جێرمان
بەردەوامن لەسەر کێشییەکەیان و نایانەوێت بە ئاسانی دەستبەرداری کیلیان مباپێی ئەستێرەی
یانەکەیان ببن.
ڕۆژنامەکە ڕایگەیاندوە، کارگێڕی یانە فەرەنسیەکە گرێبەستی دووەمی یانە
ئیسپانیەکەیان ڕەتکردوەتەوە و ئامادەنین بەرامبەر ئەو نرخە بە یانەی شاهانە
بفرۆشن.
ئاشكراشیکردووە، لیۆناردۆی بەڕێوەبەری وەرزشی پاریس چاوەڕێی گرێبەستی
سێیەمی ڕیاڵ مەدرید دەکات کە گەورەتر بێت لە گرێبەستی دووەم و ئەو نرخە بێت کە لە
چاوەڕوانی ئەواندایە و زیاتر لە 200 ملیۆن یۆرۆ بێت.
لەلایەکی ترەوە رۆژنامەی مارکای ئیسپانی ڕایگەیاند، هەموو شتێک لەبارەی
گرێبەستی مباپێ تەواوبووە و چاوەڕواندەکرێت لە نزیکترین کاتدا ڕیاڵ مەدرید بەفەرمی
ڕایبگەیەنێت.
مارکا دەڵێت " ریال مەدرید دەیەوێت گالاکتیکۆسی نوێ
بەشێوەیەکی مێژوویی کە هاوشێوەی پێشکێشکردنی رۆناڵدۆ بێت رابگەیێنێت، بۆیە کار
دەکرێت بۆ ئەوەی رۆژی 10ی مانگی نۆ مباپێ لە ڤالدێبێباس پێشکەشبکرێت.
خ . ک