پشتی ئاخفتنێن سروە عەبدولواحید دگەل سودانی بڕیارا خەرجکرنا مووچەیێ هەیڤا دوو هاتە دان.

سەرۆکا فراکسیۆنا نەوەی نوێ ل بەغدا بۆ ئێن ئاڕ تی راگەهاند، سەرۆک وەزیرێن عێراقێ ب وان راگەهاندیە کو ڤێ حەفتیێ دێ مووچەیێ هەرێمێ هنێرن، دبێژیت ژی، پارتی و یەکێتی ئاریشەیان بۆ مووچەی دروست دکەن.

سەرۆکێ حکومەتا رێڤەبرنا کاران دەربارێ رێکەفتننامەیا ١١ـی ئادارێ راگەهاند، تەکەزیێ ل چارەسەریا بنەرەتی و ئێکجارییا ئاریشەیێن وان دگەل حکومەتا فیدرالی لسەر بنەمایێ رێزگرتن ل دەستوری و رێککەفتنان دکەن.

شاندێ حکومەتا رێڤەبرنا کاران هێشتا ل بەغدایە، لێ نەشیاینە وەزیرا دارایی رازی بکەن بۆ هنارتنا مووچەیێ هەیڤا دوو، هەڤدەم ژێدەرەکی ژی بۆ ئێن ئاڕ تی راگەهاند، دهێتە چاڤەرێکرن سودانی ل ڤان چەند رۆژان بڕیارا خەرجکرنا مووچەی بدەت.

سەقاناسیا هەرێمێ راگەهاند، ئەڤرۆ ئەسمان ب تەمامی عەور دبیت دگەل تاڤیێن بارانێ و بریسیان ل دەڤەرێن جودایێن هەرێمێ.

لدویف داتایێن بازارێن جیهانی بهایێ ئۆنسەیەکا زێڕی ب دوو هزار و ٨٩٧ دۆلاران بازار پێ دهێتەکرن، هەڤبەر ب دوهی بهایێ وی کانزایێ زەر نێزیکی ١٠ دۆلاران هاتە خار.

ژبەر نەبوونا بالەفڕخانەیێ ل دهۆکێ یانەیا ئیتیفاق داخازا ڤەگوهاستنا یاریا خۆ دگەل یانەیا دهۆکێ دکەت بۆ یاریگەهەکا دی و دبێژن، یاریکەرێن مە نەشێن ب پاسێ ل هەولیرێ بهێنە دهۆکێ.

سەرۆکاتیا سوریا راگەهاند؛ فەرماندەیێ گشتیێ هێزێن سوریا دیموکرات (هەسەدە) و سەرۆکێ ڤەگوهێزەرێ سوریا رێککەفتنەکا هەشت خالی ئیمزاکرن، ئێک ژ وان خالان بریتییە، پێکهاتەیا کورد پێکهاتەیەکا رەسەنە د دەولەتا سوریا دا، دەولەتا سوریا ژی دێ مافێ وەلاتیبوون و هەمی مافێن دەستووری دەستەبەر کەت.

ل کۆمەلگەها مەهەتێ کەسەکی ب شاشی هەڤالەکێ خۆ کوشت.

مەسعود بارزانی راگەهاند، دگەل سەرۆک وەزیرێ بەرێ یێ عێراقێ کۆمبوویە و بەحسێ ڕەوشا سیاسی و ئەولەهییا عێراقێ کرن.

رۆژا ١٦ی ٣ێ وەکی بیرئینانا کیمیابارانا هەلەبجە ل هەمی عێراقێ بێهنڤەدانا فەرمی هاتە راگەهاندن.

شاندەکێ هەرێمێ لسەر مووچەیێ هەیڤا دوو ل بەغدایە و دگەل وەزیرێ داراییێ عێراقێ کۆمبوو، هەر د وێ کۆمبوونێ دا تەیف سامی گوتی یە وی شاندی، یا کو هوین دکەن ژ رادەستکرنا داهاتی نە لدویف یاسایا برێڤەبرنا دارایی یە، نە لدویف بڕیارا دادگەها فیدرالی یە نە لدویف رێککەفتنانە.

سەقاناسیا عێراقێ راگەهاند، دهێتە پێشبینیکرن ئەڤرۆ و سوبەهی باران بارین ل دەڤەرێن جودایێن هەرێمێ بەردەوام بیت ب تایبەتی دەڤەرێن رۆژهەلاتا هەرێمێ و پلەیێن گەرمێ ژی بلند دبن.

لدویف داتایێن بازارێن جیهانی بهایێ ئۆنسەیەکا زێڕی ب دوو هزار و ٩٠٧ دۆلاران بازار پێ دهێتەکرن، هەڤبەر ب دوهی بهایێ وی کانزایێ زەر نێزیکی ٥ دۆلاران هاتە خار.

بەرێڤەبەرێ بەرهەمئینانا کارەبێ راگەهاند، پرۆژێ رووناهیێ ئێکە ژ هیڤیێن سەرۆکێ حکومەتا رێڤەبرنا کاران و وەزارەتا کارەبێ. هەروەسا دبێژیت، پرۆسە گەلەک ب باشی برێڤە دچیت.

نووچەگەهانێ ئێن ئاڕ تی چوویە وان تاخێن کارەبا ٢٤ دەمژمێری بۆ ھاتیە دانان و ئەوا جهێ سەرنجێ یە پرانیا وان مالان تاری نە و گلۆپ هەلنەکرینە، ژبەرکو بۆ ئێك هەیڤ زێدەتری ٥٠٠ ھزار دیناران پارێ کارەب بۆ وان ھاتییە.

شوینکارێ وەزارەتا پەروەردا حکومەتا رێڤەبرنا کاران ڕاگەهاند، ژبووی وێ چەندێ کو ڤالاهی د ناڤەندێن خاندنێ دا دروست نەبیت، ئەو مامۆستایێن خانەنشین دبن دێ بەردەوام بن ل سەر کارێ خۆ تا پرۆسەیا خاندنا ئەڤ سالە تەمام دبیت و مووچەیێن وان ژی ب تەمامی دێ هێنە دان.

شێروان شێروانی کو ئێکە ژ زیندانیێن بەهدینان ئازادکرنا وی هاتە پاشخستن بۆ سوبەهی کو بڕیار بوو ئەڤرۆ بهێتە ئازادکرن ب سەدەمێ تەمام نەبوونا رێکارێن یاسایی.

ئەڤرۆ نەوەی نوێ ل باژێرێ هەولێرێ پێشوازی ل شاندەکێ یونامی ب سەرۆکایەتیا (موتسی مورنیارادزی) بەرپرسێ کاروبارێن سیاسیێن یونامی ل هەرێما کوردستانێ کر.

پشتی چار سال پێنج هەیڤان بڕیارە ئەڤرۆ ئێکشەمبی رۆژنامەڤان شێروان شێروانی بهێتە ئازادکرن.

قائیمقامیا قەزا کەلار راگەهاند، د ناڤ چەند کافتریان دا ل کەلار ٢٠ گەنج دەستەسەرکرینە ژبەر کو چەقۆ هەلگرتبوون.

هەیاما چەند رۆژانە بهایێ دۆلاری لهەمبەر دینارێ عێراقی ل بازارێن هەرێمێ تا رادەیەکێ نە بنەجهە و چەند جاران ژی بلند و نزمی بخۆڤە دیت.

لدویف پێشبینێن سەقاناسیێ، ئەڤرۆ پشتی نیڤرۆ باران بارین دێ دەستپێکەت و هند دەمان ژی بریسی دگەل دا دبن.

شاندەکێ وەزارەتا داراییا هەرێمێ ل بەغدایە و ئەڤرۆ دێ دگەل تەیف سامی کۆمبیت بۆ چارەسەرکرنا ئاریشەیا لیستا مووچەیێ هەیڤا دوو، تەیف سامی ژی جارەکادی داخاز ژ حکومەتا رێڤەبرنا کاران کریە بلەز زانیاری و داتایێن مووچەخۆرێن هەرێمێ بۆ بهنێرن.

پەرلەمانتارەکێ نەوەی نوێ ل پەرلەمانێ کوردستانێ راگەهاند، بڕیارە سوبەهی رۆژنامەڤان شێروان شێروانی بهێتە ئازادکرن.

کۆمکارا عەرەبی دلگرانیا خۆ ل هەمبەر ڕەوشا ئەولەهیا چەند ڕۆژێن بوری ل سوریا دەربڕی. داخاز دکەت، سەقامگیری و ئاشتییا مەدەنی ل سوریا زێدەتر بهێتە کرن.

وەزیرا داراییا عێراقێ بۆ لیستا مووچەیێ هەیڤا شوباتێ و هەیڤێن دیڤدا، تەکەزیێ لسەر بلەز هنارتنا زانیاریێن مووچەخۆرێن هەرێمێ دکەت بۆ تەوتینکرنێ لدویف رێکارێن کو د بڕیارا دادگەها فیدرالی دا هاتیە.

نێچیرڤان بارزانی ل رۆژا ٨ـی مارس (رۆژا جیهانیا ئافرەتان) راگەهاند، پشتەڤانێ ژنان دبیت بۆ بنیاتنانا جڤاکەکێ کو تێدا ژن هەڤبەشەکا راستەقینە بیت بۆ دروستکرنا داهاتی.

ئەڤڕۆ هەشتی مارسە و رۆژا جیهانیا ژنانە و دیرۆکا هەلبژارتنا هەشتی مارس وەکی رۆژا جیهانیا ژنان د جیهانێ دا، دزڤڕیت بۆ خۆنیشاندانێن ژنێن رووسیا ل دەستپێکا شەڕی ئێکەمێ جیهانێ ل دژی دەستپێکرنا شەڕی.

ئەندامەکێ پەرلەمانێ کوردستانێ ل فراکسیۆنا نەوەی نوێ راگەهاند، پرۆژەیێ رۆناهی پرۆژەیێ ئیفلاسکرنا خەلکی یە.