PM:07:46:10/03/2025
788 جار خوێندراوەتەوە
+
-
ل کۆمەلگەها مەهەتێ
کەسەکی ب شاشی هەڤالەکێ خۆ کوشت.
ئەڤڕۆ دووشەمبی ١٠ـێ
ئادارێ، ل کۆمەلگەها مەهەتێ سەر ب قەزایا شێخان کەسەکی ب شاشی ب گوللـەیەکا چەکێ
نێچیرێ هەڤالەکێ خۆ کوشت.
لسەر بوویەرێ، ژێدەرەکی
ل نەخۆشخانەیا شێخان بۆ ئێن ئاڕ تی راگەهاند، ئێڤاریا ئەڤڕۆ کەسەک کو ژلایێ هەڤالەکێ
خۆ ڤە هاتبوو بریندار کرن بۆ نەخۆشخانەیا شێخان هاتە ڤەگوهاستن، لێ دیڤدا هاتە
ڕەوانەکرن بۆ نەخۆشخانەیا دهۆکێ، لێ ڕێکێ ژیانا خۆ ژ دەستدا.
ئەو یەکژی بەرچاڤکر، ناڤێ
وی کەسی (زیاد رزگار)ـە و ژیێ وی نێزیکی ١٨ سالان بوو و خەلکێ کۆمەلگەها مەهەتێ یە.
ئاماژە ب وێیەکێ ژیکر، گوللـە ل نێزیک گوهێ وی کەفتبوو، ب وی ئەگەری ژیانا خۆ ژ دەستدا.
راگەهاند ژی، نوکە تەرمێ
وی کەسی بۆ نوژداریا داد ل دهۆکێ هاتییە ڤەگوهاستن.
هەروەسا وی ژێدەری بەحسا
وێیەکێ ژیکر، هەر ئەڤڕۆ تەرمێ کچەکێ کو ژیێ وێ ١٧ بۆ ١٨ سالان بوو، بۆ نەخۆشخانەیا شێخان هاتییە ڤەگوهاستن، لێ
دیڤدا هاتییە ڕەوانەکرن بۆ نوژداریا داد ل دهۆکێ. گوت ژی، تا نوکە ناسنامەیا وێ کچێ
نەیا دیارە و ئەگەرێن کوشتنا وێ ناهێنە زانین.
مەروان یەحیا - شێخان