PM:08:06:09/03/2025
96 جار خوێندراوەتەوە
+
-
نووچەگەهانێ ئێن ئاڕ تی چوویە وان تاخێن کارەبا ٢٤ دەمژمێری
بۆ ھاتیە دانان و ئەوا جهێ سەرنجێ یە پرانیا وان مالان تاری نە و گلۆپ هەلنەکرینە،
ژبەرکو بۆ ئێك هەیڤ زێدەتری ٥٠٠ ھزار دیناران پارێ کارەب بۆ وان ھاتییە.
حکومەتا رێڤەبرنا کاران ب ناڤێ کارەبا ٢٤ دەمژمێری مال ب
مال و باژێر ب باژێر تاری دکەت و نەک هەر بتنێ کارەب گران کریە، بەلکو پارە و کرێیا
تەل و ستینان ژی ئێخستیە سەر مللەتێ و دڤێت مووچەیێ فەرمانبەرێن کارەبێ ژی ھەر ژ
مللەتێ وەرگریت.
د پرۆژێ روناهیا کارەبا حکومەتا رێڤەبرنا کاران دا بهایێ
٤٠٠ یەکەیێن دەستپێکێ یێن کارەبێ ب ٨٠ دیناران دبیت د هەیڤەکێ دا، ئەگەر ھات خەلکی
ژ ڤان ٤٠٠ یەکان زێدەتر بکارئینا بۆ ٤٠٠ یەکەیێن دووێ ئەڤە بها دبیتە ١٠٠ دینار، ئەگەر
ژ وان ٨٠٠ یەکان زێدەتر بکارئینا ئەڤجا بها بلند دبیت بۆ ٢٠٠ دیناران.
هەڤدەم، ئەڤ بهایە گەلەک گرانە ل هەمبەر بهایێ بەرێ کو بۆ
ھەر یەکەکێ بتنێ ١٨ دینار لسەر میللەتێ دکەفتن.
بەشەکا خەلکی ژی دبێژن، پرۆژێ روناهی پرۆژەک نینە بۆ
رونکرنا مالان بیت، بەلکو باژێری تاری کریە جھێ کو مالان رون بکەت.
ھەروەسا، یەکا کارەبێ ل ھەرێمێ کو ب غاز دھێتە بەرھەمئینان
٤٥ دینار تێچوونا وێ یە، لێ حکومەتێ بهایێ وێ چار قات ژ خەلکی وەردگریت، ب ڤێ چەندێ
کریا ڤەگوھاستنا کارەبێ ب تەل و ستین و ویستگە و محاویلەیان ڤە دئێخیتە سەر ملێ خەلکی،
هەروەسا دڤێت مووچەیێ وەزارەتا کارەبێ ژی ئێخیتە سەر ملێ خەلکی.