PM:10:38:10/03/2025
2900 جار خوێندراوەتەوە
+
-
ژبەر نەبوونا
بالەفڕخانەیێ ل دهۆکێ یانەیا ئیتیفاق داخازا ڤەگوهاستنا یاریا خۆ دگەل یانەیا
دهۆکێ دکەت بۆ یاریگەهەکا دی و دبێژن، یاریکەرێن مە نەشێن ب پاسێ ل هەولیرێ بهێنە
دهۆکێ.
ئەڤڕۆ دووشەمبی ١٠ـێ
ئادارێ، یانەیا ئیتیفاق یا سعوودی داخازا ڤەگوهاستنا یاریا خۆ دگەل یانەیا دهۆکێ
دکەت بۆ یاریگەها هەولێرێ یان بەسرا، کو بڕیارە دوسبە بهێتە ئەنجام دان.
ئاماژە ب وێیەکێ ژیکریە،
ل دهۆکێ بالەفڕخانە نینە، ژبەر هندێ یاریکەرێن مە نەشێن ب پاسێ ل هەولێرێ بهێنە
دهۆکێ ژبەرکو دێ ماندی بن.
ئەو یەکژی بەرچاڤکریە،
ئەگەر یاری نەهێتە ڤەگوهاستن، رۆژا چارشەمبی دێ ب ڕێکەڤین بێ ئەنجام دانا راهێنان دێ
یاریێ ئەنجام دەین و دیڤدا ئێکسەر دێ ڤەگەڕێن بۆ سعوودیە.
ئەڤە دەمەکی دایە، رۆژا ٥ـێ
ڤێ هەیڤێ د خولا قارەمانیا کەنداڤ دا، ل ولاتێ سعوودیە یانەیا دهۆک ب ئەنجامێ
گۆلەکێ بێ بەرسڤ سەرکەفتن بسەر یانەیا ئیتیفاق یا سعوودی دا تۆمارکر، بڕیارە رۆژا
چارشەمبییا بهێت لسەر یاریگەها یانەیا دهۆک یاریا دووێ بڕیڤەبچیت، ب ئەنجامێن
سەرفتنێ یان وەکهەڤبوونێ یانەیا دهۆکێ دێ گەهیتە یاریا دویماهیێ.
هەڤدەم، د کێمتری سێ
رۆژان دا هەمی پلێتێن یاریێ هاتنە فرۆتن کو بهایێ وان دناڤبەرا ( ٣ هزار دینار، ٢٥
هزار دینار، ١٠٠ هزار دینار) هاتبوونە دەستنیشانکرن، هەروەسا بەشەکا پشتەڤانێن
یانەیا دهۆکێ ل بەر دەرگەهێ یانەیێ خڕڤەبوون و داخازا پلێتێن یاریێ کرن.
شـ عـ