پارتی و یەکێتی 82 لیست و بەربژێرێن سەربەخۆ دروستکرینە.!

2416 جار خوێندراوەتەوە

دگەل نێزیکبوونا هەلبژارتنا پەرلەمانێ کوردستانێ، ترسا پارتی و یەکێتی د هەلبژاتنێ دا و کێمبوونا دەنگێن وان بوویە ئاریشەیەکا مەزن و گەردەنا وان گرتیە، بۆ خۆ رزگارکرن ژ ڤێ رەوشێ کو تێ کەفتینە، دەهان لیست و بەربژێر ب ناڤێن لیستێن نوی و نەرازی، یان ژی بەربژێرێن سەربەخۆ بۆ پشکداریکرنێ د هەلبژارتنێ دا تۆمارکرینە.

بۆچی پارتی و یەکێتی ڤی کاری دکەن؟

د دیرۆکا جوت حزبان دا بەردەوام پلانێن ل دژی هەڤ داناینە و گەلەک جاران سەرکردەیێن وان جوت حزبان ئاماژە ب وێیەکێ کرینە کو بۆ بەرژوەندیێن خۆ دێ هەمی تشتا ژناڤ بەین ب ڕامانەکا دی د بەرهەڤن کورد و کوردایەتیێ ژی بۆ مەرامێن خۆ یێن کەسی بکاربئینن.

هەر وەک چەوا دیرۆک دیدەڤانە بەری نها هێزێن بیانی و ولاتێن هەڤسێ ئیناینە دناڤ ئاخا هەرێمێ دا و شەرێ برا کوژیێ پێکرینە، نها ژی ئەولەهیا هەرێمێ ئێخستینە دبن کۆنترۆلا وەلاتێن هەڤسێ ڤە.

نها ژی پارتی و یەکێتی دەست ب بەربژێرکرنا کەسێن بناڤ نەرازی و دروستکرنا لیستێن نوی کریە مەرەم ژێ بەربەلاڤکرنا دەنگێ ئۆپۆزسیۆنێ و دەنگێ نەرازیە و ئەڤە ژبلی کو ئەگەر ئێک ژوان بەربژێران دەنگێن پێدڤی بدەستڤەبئینت ل پشتی هەلبژارتنێ ئەو بەربژێرە د خزمەتا وان دوو جوت حزبان دێ کار کەت و خەلکێ ژی هەلبژارتنێ بێ هیڤی کەن.

د هەلبژارتنا بەرێ یا پەرلەمانێ عێراقێ ل سالا ٢٠٢١ ب تنێ ل سنورێ سلێمانیێ، زێدەتری ٨٢ هزار دەنگ بناڤێ لیستێن نوی و نەرازی سوتن، ئارمانجا بسەردا برنا خەلکی و سوتنا دەنگێ نەرازی و بەلاڤکرنا وان بۆ کو ب وێ رێکێ ل دەنگێ نەرازیێ راستەقینە و ئۆپۆزسیۆنێ بدەن.

ئەو کەسە کینە کو پارتی و یەکێتی بەربژێر کرین؟

هندەک ژوان کو نها وەکی سەربەخۆ خۆ بەربژێر کرینە د هەلبژارتنێن دەربازبووی دا بانگەشە بۆ پارتی و یەکێتی کرینە، هەیا کو هندەک کەس تێدانە د هەیاما دەربازبووی دا گوتینە، "خۆ ب سەیێ بەر ئامانێ پارتی دزانن".

هەڤدەم یەکێتی ژی ل سنورێ سلێمانیێ هندەک کەسێن دی ب ناڤێ سەربەخۆ بەربژێر کرینە کو بەری نها خۆ وەکی نوینەرێن نەرازی نیشانداینە و پۆست و کارێن خۆ بۆ مەبەستێن شەخسی بکارئیناینە.

چەوا پارتی و یەکێتی خۆ ژ هەلبژارتنێ ڤەدزی؟

پارتی و یەکێتی ژ ترسێن هەلبژارتنێ دا د هەیاما دەربازبووی چەندین رێکێن جودا بکارئینان، ژوان ژی:

ل 24/2/2022 رۆژا 1/10/2022 دیار كر بۆ هەلبژارتنا گەڕا شەشێ یا پەرلەمانێ كوردستانێ، دیڤدا پاشخست

ل 26/3/2023 رۆژا 18/11/2023 دیار كر بۆ هەلبژارتنا گەڕا شەشێ یا پەرلەمانێ كوردستانێ، لێ نەهاتە ئەنجامدان.

ل 3/8/2023 رۆژا 25/2/2024 دیار كر بۆ هەلبژارتنا گەڕا شەشێ یا پەرلەمانێ كوردستان، پارتی و یەکێتی هەڤدوو تۆهمەت بار دکر ب رەڤین ژ هەلبژارتنێ د میدیایان دا و پشترا هەڤپشک و رێکەفتن دکرن بۆ پاشخستنا وێ پرۆسەیێ.

ل 3/3/2024 رۆژا 10/6/2024 دیار كر بۆ هەلبژارتنا گەڕا شەشێ یا پەرلەمانێ كوردستانێ، پارتی ب بهانەیا هەلوەشاندنا کورسیێن کوتایان و چەندین بهانەیێن دی بایکۆتا هەلبژارتنێ کر.

د نویترین ژی دا، ل 26/6/2024 رۆژا 20/10/2024 دیار كر بۆ هەلبژارتنا گەڕا شەشێ یا پەرلەمانێ كوردستانێ، د نها ژی دا گەرەنتی نینە و چێدبیت ب درۆستکرنا سیناریۆیان و تێکدانا رەوشا ئەولەهیێ پێنج بارە بهێتە پاشخستن.