سەرۆکێ دەزگەهێ گشتیێ کاروبارین مینان ل هەرێمێ راگەهاند، ل سالا دەربازبووی زیدەتری دوو ملیۆن مەترێن دووجا یێن عەردی ژ مینان پاقژکرینە کو ب سەدەمێ وێ ١٠ کەسان ژیانا خۆ ژ دەستدانە. دبێژیت ژی، "هەڤبەر ب دوو سالێن دەربازبووی چالاکیێن دەزگەهێ مە زێدە کرنە".
نوینەرێ خودان موەلیدەیێن ئەهلی ل دهۆکێ ڕاگەهاند، کارەبا موەلیدی ل سنورێ قەزا ئاکرێ دهێتە گۆهڕین ب ئاوایەکی ژ ٦ـێ سپێدێ تا دەمژمێر دوو شەڤێ کارەبا موەلیدەیێ دبیت.
کەرتێ غەززە ب هلدانا مووشەکێن حەماس بەرەڤ تەلئەبیب چوو دناڤ سالا ٢٠٢٤ـێ دا، د دەمەکی دا ئامارا ژیان ژ دەستدان و برینداربوونا خەلکی بەردەوام د بلندبوونێ دایە و ئاکنجیێن کەرتێ غەززە ب دەست کارڤەدانێن رۆژانە یێن وی شەری دنالینن.
ب سەدەمێ بوویەرەکا ترافیکی دناڤبەرا حەفت ترۆمبێلاندا ل دەڤەرا ساکاریا ل تورکیا ١١ کەسان ژیانا خۆ ژ دەستدان و ٥٧ کەسێن دی ژی برینداربوون.
وەزیرێ کار یێ تورکیا راگەهاند، ژ سالا نوی ڤە ب رێژەیا سەدێ49مووچەیێ هەمی فەرمانبەران زێدە دکەن، کو هەڤبەر ب مەها کانوونا ئێکێ یا سالا دەربازبووی دگەهیتە رێژەیا 100%.
بەرێ سپێدەهیا ئەڤرۆ، پشتی ٤٨ رۆژێن شەری و دۆرپێچکرنێ ئاگربەستێ ل غەززە دەست پێکر و بڕیارە، هەتا چار رۆژان بەردەوامبیت و پشتی نیڤرۆیا ئەڤرۆ دەست ب لهەڤگوهارتنا دیلان بهێتە کرن.
وەزارەتا ساخلەمیا غەززە بەلاڤکر، لدیڤ نویترین ئامار ژمارەیا ژیان ژ دەستدانێ ل کەرتێ غەززە ١١ هزار کەس دەربازکرن. دبێژبت ژی، "تا نها هزار و ٥٠٠ زارۆک بێسەروشینن."
شەڤا دەربازبووی بۆ جارا دوویێ ئیسرائیلێ هێلێن پەیوەندیێ ل غەززە قوتکرن و چەند جاران ژی هێرش کرن و کەمپا جلبای ل باکورێ غەززە بۆمبەباران کر.
سەرۆک وەزیرێن ئیسرائیل ڕاگەهاند، گروپێ چەکدارێن حەماس بۆمبەبارانا نەخۆشخانەیا ئەلمعەمدانیە کریە.
سەرۆکێ مەکتەبا سیاسیا گروپێ چەکدارێن حەماس راگەهاند، بۆمبەبارانا نەخۆشخانەیا ئەلمعەمدانیە دچیتە د لیستا وان تاوانێن ئیسرائیل دا کو لهەمبەر گەلێ فەلەستین کرین. دبێژیت ژی، "بەردەوامین ژ بەرەڤانیکرنێ."
بەرپرسەکێ حکومەتا فەلەستین راگەهاند، پشتی بۆمبەبارانا نەخۆشخانەیا المعەمدانیە ل غەززە و ژیان ژ دەستدانا زێدەتری ٥٠٠ کەسان سەرۆکێ فەلەستین جڤینا خۆیا دگەل سەرۆکێ ئەمریکا پاشخست و بریاردایە بۆ رامەلا ڤەگەرێت.
پەیڤدارێ ساخلەمیا غەززە راگەهاند، ئیسرائیل نەخۆشخانەیا مەعمەدان ل کەرتێ غەززە بۆمبەبارانکر و ب وێ سەدەمێ زێدەتری ٣٠٠ کەسان ژیاناخۆ ژ دەستدان و نێزیکی ٢٠٠ کەس ژی بریندار بوون.
حکومەتا ئەلمانیا راگەهاند، ل نیڤا ئێکێ یا سالا ٢٠٢٣ـێ وان زێدەتری حەفت هزار پەنابەران ل ئەڵمانیا بۆ وڵاتێن وان ڤەگەراندینە و زۆرترین ئەو پەنابەرەژی هەڵگرێن رەگەزنامەیا جۆرجی بوون.
میدیایێن ئیرانی بەلاڤکرینە، ب سەدەمێ تۆزبارینێ ل پارێزگەها سیستان - بەلوجستان ل باشورێ رۆژهەلاتا ئیرانێ سێ کەسان ژیاناخۆ ژ دەستدان و زێدەتری هزار کەسان ژی بۆ وەرگرتنا چارەسەریێ رەوانەی نەخۆشخانەیان هاتینەکرن.
شەهزادەیێ جھنشینێ سعودیە ڕاگەهاند؛ ژ پێخەمەت ئەولەهی و هەڤسەنگیا هێزێ ل ڕۆژهەلاتا ناوڤەڕاست، ئەگەر ئیران چەکێ ئەتۆمی بدەستڤە بینیت ل وی دەمی سعودیەژی ب هەمان ئاوا دێ بدەستڤەئینیت.
ڕێکخراوا هەنگاو راگەهاند، دگەل نێزیک بوونا سالڤەگەرا ژن ژیان ئازادی ل ١٥ رۆژێن دەستپێکا ڤێ مەهێ دا زێدەتری ٩٠ وەلاتی هاتینە دەستەسەرکرن و باژێرێن ڕۆژهەلات ژی هێزەکا زۆر تێدا هاتیە کۆمکرن و وەکی سەربازگەهان لێ هاتیە.
شێورمەندێ ڕێبەرێ بلندێ ئیرانێ بۆ کاروبارێن نێڤدەولەتی راگەهاند، ئیرانێ نەڤێت دگەل چ جیرانێن خۆ تووشی چ جۆرە ئاریشەیێن ئاسایشێ و ناکۆکۆکیان ببیت.
پەیڤدارێ وەزارەتا دەرڤەیا ئیرانێ ڕاگەهاند، دگەل بەشەکا برگەیێن ڕاگەهاندنا جڤاتا هاریکاریا خەلیجی دەربارەی قەدەغەکرنا چەکێ ئەتۆمی کۆک نینین و بەردەوام دبن لسەر جێبەجێکرنا بەرنامەیێ ئەتۆمی.
فەرماندەیێ گشتیێ هێزێن سوریایا دیموکرات راگەهاند: د نهادا رەوشا دێرەزور ئارامە و هێزێن وان بەردەوامن ژ بزاڤێن خۆ بۆ سەقامگیرکرنا وێ دەڤەرێ و دابینکرنا ئاسایی بۆ وەلاتیان.
سامانێ یەدەگێ بیانیێ سعودییە ل مەها تەمموزا دەربازبووی زێدەتری ٤٢٦.٩ ملیار دۆلار بوونە و هەڤبەر ب مەها حوزەیرانا سالا دەربازبووی نێزیکی ٣.٧٪ داکەتیە و ئەوژی کێمترین ئاستێ یەدەگێ وی ولاتیە ژ سالا ٢٠١٠ێ ڤە.