PM:09:04:10/03/2025
876 جار خوێندراوەتەوە
+
-
فەرماندەیێ گشتیێ هێزێن سوریا
دیموکرات (هەسەدە) و سەرۆکێ ڤەگوهێزەرێ سوریا رێککەفتنەکا هەشت خالی ئیمزاکرن، ئێک
ژ وان خالان بریتییە، پێکهاتەیا کورد پێکهاتەیەکا رەسەنە د دەولەتا سوریا دا،
دەولەتا سوریا ژی دێ مافێ وەلاتیبوون و هەمی مافێن دەستووری دەستەبەر کەت.
ئەڤڕۆ دووشەمبی ١٠ـێ
ئادارێ، مەزلووم کۆبانێ فەرماندەیێ گشتیێ هێزێن سوریا دیموکرات (هەسەدە) و ئەحمەد
شەرع سەرۆکێ ڤەگوهێزەرێ سوریا کۆمبوون.
دڤێ کۆمبوونێ دا مەزلووم
کۆبانێ و ئەحمەد شەرع لسەر هەشت خالان رێککەفتن ئیمزا کر.
ئەو خالێن مەزلووم کۆبانێ
و ئەحمەد شەرع لسەر ڕێککەفتین:
١-دەستەبەرکرنا مافێ
هەمی سورییان بۆ نوینەرایەتی و پشکداریکرن د پرۆسەیا سیاسییا هەمی سازیێن دەولەتێ
دا لسەر بنەمایی ژ هەژی بوونێ، بێ گوهدانە پاشگرێ ئایینی و نەتەوەیی.
٢- پێکهاتەیا
کورد پێکهاتەیەکا رەسەنا دەولەتا سوریا یە، دەولەتا سوریا ژی مافێ وەلاتیبوونێ و
هەمی مافێن دەستووری دێ دەستەبەر کەت.
٣- ئەنجام
دانا ئاگر بەستێ ل هەمی ئاخا سوریا.
٤- ئێکخستنا
هەمی سازیێن مەدەنی و سەربازیێن باکوورێ رۆژهەلاتێ سوریا د کڤانێ ئیدارەیا دەولەتا
سوریا، ژ وانا دەرازینکێن سنووری و بالەفڕخانە و زەڤیێن پەترۆلێ و غازێ.
٥-دەستەبەرکرنا
ڤەگەڕاندنا هەمی ئاوارەیان بۆ باژێڕ و گوندێن خۆ و دەستەبەرکرنا پارستنێ د دەولەتا
سوریا دا.
٦-پشتەڤانیکرنا
دەولەتا سوریا د شەڕێ دژی هەڤپەیمانێن ئەسەد و هەمی گەفێن سەر ئەولەهیێ ئێک ڕێزییا
ولاتی.
٧-رەتکرنا داخازا
دابەشبوونێ و ئاخفتنێن رق و کینە و بزاڤکرن بۆ بەلاڤکرنا نەتەبایێ دناڤبەرا پێکهاتەیێن
کۆمەلگەها سوریا.
٨-لژنەیێن
جێبەجێکار کار دکەن و بزاڤان دکەن د دویماهییا ئەڤسالە دا درەنگتر ڤەنەکێشیت
رێککەفتن بهێتە جێبەجێکرن.