سەرۆک وەزیرێن بەریتانیا راگەهاند، داخاز ژ هەمی ولاتێن ئەوروپا دکەت هەڤکاریا وان بکەن داکو پێکڤە و ب ئێکجاری داویێ ب پرسا قاچاغیا کۆچبەران بینن.
وەزیرێ دادا عێراقێ راگەهاند، پێدڤیە هەرێم رێنمایێن عێراقێ جێبەجێ بکەت تا مووچەیێ هەیڤانە یێ مووچەخۆرێن هەرێمێ گیرو نەبیت.
ل کەرکوکێ و پڕانیا دەڤەرێن کوردستانیێن دەڤەرێن ئیدارەیا هەرێمێ ئەڤرۆ ئێکەم رۆژا جەژنا رەمەزانێ یە، وەلاتی ژی ب هەلکەفتا جەژنێ سەرەدانا هەڤدوو کرن و شرینی پێشکێشی هەڤدوو کرن.
بهایێ پەترۆلێ د بازارێن جیهانێ دا هەڤبەر ب دوهی هاتە خار، بەرمیلەکا پەترۆلا خاڤا برێنت ب ٧٣ دۆلار و ٤٠ سەنتان بازار پێ دهێتە کرن.
دەستهەلاتا ئاینی عەلی سیستانی راگەهاند، دووشەمبیێ ئێکەم رۆژا جەژنا رەمەزانێ یە، پشتی پشتراستکرنا دیتنا هیلالا شەوالێ.
کارگێریا ئاینیا موسلمانێن روسیا راگەهاند، زێدەتری هەشت هزار موسلمانان پشکداری د نڤێژا جەژنا رەمەزانێ دا کر ل مزگەفتا مەزنا مۆسکۆ.
پەیڤدرێ یەکێتی راگەهاند، دگەل پارتی ژ پێکئینانا حکومەتا نوی گەلەک نێزیکن و پشتی جەژنێ ژی بابەتێ دابەشکرنا پۆستان دێ ئێکلای بیت.
سەرۆکێ روسیا ب هەلکەفتا جەژنا رەمەزانێ جەژن پیرۆزی ژ موسلمانێن ولاتێ خۆ کر و دبێژیت، موسلمانێن روسیا هەلگرێ میرات و دیروکا باب و باپیرانن و رێزێ ژ دابونەریتێن دێرین دگرن.
ئەندامەکێ مەکتەب سیاسیا پارتی راگەهاند، پشتی جەژنێ دێ دگەل یەکێتی دەست ب گوتوبێژێن دابەشکرنا پۆستان کەن.
بهایێ زێری ل جیهانێ د بلندبوونێ دایە و جارەکا دی گەهشتە ئاستەکێ پیڤانەیی، هەڤدەم ئەڤرۆ ژی هەڤبەر ب دوهی بهایێ زێری بنەجهە، هەر ئونسەیەک ژ وی کانزایێ زەر ب سێ هزار و ٨٥ دۆلاران بازار پێ دهێتەکرن.
سەرۆکێ ڤەلڤینا نەوەی نوێ ب هەلکەفتا جەژنا رەمەزانێ پەیامەک بەلاڤکر و دبێژیت، "جەژنا رەمەزانێ ل هەمی وەلاتیان پیرۆز دکەم".
دادوەتێ شەرعی ل دیمەشق راگەهاند، سوبەهی تەمامکەرا هەیڤا رەمەزانێ یە و دووشەمبیێ ئێکەم رۆژا جەژنێ یە.
وەزارەتا ئەوقاف و کاروبارێن ئاینیێن هەرێمێ راگەهاند، ل هەرێما کوردستانێ هەیڤ هاتیە دیتن و سوبەهی ئێکشەمبی ٣٠ـی ئادارێ ئێکەم رۆژا جەژنا رەمەزانا پیرۆزە.
لژنا دیتنا هەیڤێ ل سعودییە، راگەهاند، سوبەهی ئێکشەمبی ٣٠ـی ئادارێ ئێکەم رۆژا جەژنا رەمەزانا پیرۆزە.
سەرۆکایەتیا کاروبارێن ئاینی ل تورکیا راگەهاند، رۆژا ئێکشەمبی ئێکەم رۆژا هەیڤا شەوالێ یە و ئێکەم رۆژا جەژنا رەمەزانا پیرۆزە.
وەزارەتا کارەبێ راگەهاند، ل رۆژێن جەژنا رەمەزانێ رۆژانە 18 – 20 دەمژمێران کارەب دێ ب وەلاتیان هێتەدان.
نڤیسینگەها عەلی خامنەیی رێبەرێ کۆمارا ئیسلامیا ئیران ڕاگەهاند، لدویف پێشبینیێن شەهرەزایان، سوبەهی ئێکشەمبیێ تەمامکاریا هەیڤا رەمەزانێ یە و دوزبە رۆژا دووشەمبیێ دەستپێکا هەیڤا شەوال و ئێکەم رۆژا جەژنا رەمەزانێ یە.
وەزارەتا ئەوقافا ڕاگەهاند، لژنا بلندا دیتنا هەیڤێ بۆ دیارکرنا ئێکەم رۆژا جەژنا رەمەزانێ دێ کۆمبیت و ل چەند دەڤەرێن جودایێن هەرێمێ دێ چاڤدێریا هەیڤێ هێتەکرن.
شەڤا دەربازبووی پشتی کو زارۆکەکی ل ئاکرێ گلوپەکێ بچیک داعیرا بووی، بۆ نەخۆشخانەیا زارۆکان ل دهۆکێ هاتە ڤەگوهاستن و ب "دوویربینا دەگمەن" نەشتەرگەری بۆ هاتەکرن و ل حەفکا وی هاتە دەرئینان.
جارەکادی ئاریشە بۆ دابەشکرنا مووچەیێ بەشەکا خانەنشین و مووچەخۆران دروستبوو، بەحسا وێ یەکێ ژی دکەن، ل بەنکان ب وان هاتیە گوتن پارە نەمایە و وەزاەرەتا دارایی ژی دبێژیت، وان پارە بۆ بەنکان هنارتیە.