AM:09:42:12/09/2026
532 جار خوێندراوەتەوە
+
-
لە جامی ئەمریکا زڤیرێڤ و بێن شێلتۆن بە
بردنەوە لە خاچانۆڤ و تیافۆ گەیشتنە یاریی کۆتایی.
لە قۆناغی پێش کۆتایی جامی ئەمریکای کراوە
بۆ تێنسی سەرزەوی، ئەلیکساندەر ڤیرێڤی ئەڵمانی بەرامبەر کارین خاچانۆڤی روسی
یارییکرد.
لە کۆمەڵەی یەکەمدا زڤیرێڤ ئاستێکی نایابی
پێشکەش کرد و بە ئەنجامی شەش بە سێ گێم لە سوودی خۆی کۆتایی پێهێنا.
دواتر لە کۆمەڵەکانی دووەم و سێیەمدا،
خاچانۆڤ هەوڵی گەڕانەوەی ئەنجامەکەیدا بەڵام سەرکەوتوو نەبوو، ئەو دوو کۆمەڵەیەش
بە ئەنجامی حەوت بە شەش گێم لە سوودی زڤیرێڤ کۆتاییهات و یارییەکەی بە سێ کۆمەڵەی
بێبەرامبەر بردەوە.
لە هەمان قۆناغدا، بێن شێلتۆنی ئەمریکی
رووبەڕووی فرانسیس تیافۆی هاونیشتمانی بووەوە و بە ئەنجامی سێ کۆمەڵە بەرامبەر
کۆمەڵەیەک یارییەکەی لێبردەوە.
بەو ئەنجامانە، هەریەکە لە زڤیرێڤ و بێن
شێلتۆن سەرکەوتنیان بۆ یاریی کۆتایی پاڵەوانێتییەکە بەدەستهێنا و سبەینێ پاڵەوان
دیاریدەکەن، خاچانۆڤ و تیافۆ ماڵئاواییانکرد.
خ . ک