PM:04:36:04/09/2026
1608 جار خوێندراوەتەوە
+
-
لە جامی ئەمریکا زڤیرێڤ بە بردنەوە لە
هالیس گەیشتە قۆناغی سێیەم و دی مینۆر ماڵئاواییکرد.
لە یارییەکانی قۆناغی دووەمی جامی
ئەمریکای کراوە بۆ تێنسی سەرزەوی، ئەلیکساندەر زڤیرێڤی ئەڵمانی بەرامبەر کوینتن
هالیسی فەرەنسی یارییکرد.
یارییەکە لە سەرەتاوە تا کۆتایی
کێبڕکێیەکی بەهێزی بەخۆوە بینی و زڤیرێڤ کۆمەڵەکانی یەکەم و سێیەمی لە سوودی خۆی
کۆتایی پێهێنا و هالیس کۆمەڵەکانی دووەم و چوارەمی بردەوە.
دواتر لە کۆمەڵەی پێنجەم و یەکلاکەرەوەدا زڤیرێڤ
بە ئەنجامی شەش بە سێ گێم لە سوودی خۆی کۆتایی پێهێنا.
سەرەنجام زڤیرێڤ دوای چوار کاتژمێر و 33
خولەک یارییەکەی بە ئەنجامی سێ کۆمەڵە بەرامبەر دوو کۆمەڵە بردەوە و سەرکەوتنی بۆ
قۆناغی سێیەم بەدەستهێنا، هالیس ماڵئاواییکرد.
لە هەمان قۆناغ، ئەلێکس دی مینۆری
ئوستراڵی رووبەڕووی ڤان دی زاندچلۆپی هۆڵەندی بووەوە و لە ئەنجامێکی چاوەڕوان
نەکراودا یارییەکەی پێدۆڕاند و ماڵئاواییکرد، کۆبۆلیش بە بردنەوە لە تریستان
گەیشتە قۆناغی سێیەم.
خ . ک