PM:01:21:23/11/2025
436 جار خوێندراوەتەوە
+
-
میرخاس
دۆسکی دوپاتیکردەوە متمانەیان بە خۆیان هەیە بگەنە مۆندیال و دەجەنگن لەپێناو
بەدەستهێنانی جامی عەرەب.
میرخاس دۆسکی یاریزانی بە رەچەڵەک کوردی
هەڵبژاردەی عێراق کە یاریی بۆ یانەی ڤیکتۆریا پلزن دەکات لە چاوپێکەوتنێکدا وتی:
بردنەوەیان لە ئیمارات وەسفنەکراو بوو.
میرخاس دەڵێت: ئێمە هەستمان
بەوە کرد کە لەم ڕووبەڕووبوونەوەیەدا سەرکەوتن بەدەست دەهێنین و بەڵێنمان دا هەموو
هەوڵێکمان بدەین بۆ دڵخۆشکردنی هاندەرانی عێراق و لەڕاستیدا ئەوە ڕوویدا و
توانیمان لە کاتێکی گرنگدا سەرکەوتن بەدەست بهێنین.
دەشڵێت: هەمووان پێیان وایە چانسی ئێمە لە پلەی ئۆفی مۆندیال لە مانگی ئازاردا
ئاسانە، بەڵام پێموایە ئەوەندە ئاسان نییە و هێشتا ئەرکێکی قورسمان لە پێشە، بەڵام
متمانەمان بە توانای خۆمان هەیە کە هەموو هەوڵێکمان بۆ گەیشتنە بە مۆندیال.
میرخاس
وتیشی: بوون لە مۆندیال بۆ خۆی دەستکەوتێکی باوەڕپێنەکراوە، بێگومان هیوادارین
ڕووبەڕووی تیپە بەهێز و گەورەکان ببینەوە و بەرامبەر ئەفسانەی وەک ڕۆناڵدۆ و مێسی
و مباپێ یاری بکەین، بۆ ئەوەی توانای تەکنیکی خۆمان پیشان بدەین.
دوپاتیشیکردەوە،
پاڵەوانێتی جامی عەرەب زۆر قورس دەبێت بەهۆی بوونی تیپە بەهێزەکان، بەڵام ئەوەی
هەمیشە دەیکەین ئەوەیە هەموو هەوڵێک بدەین و دەجەنگین بۆ بەدەستهێنانی نازناوەکە،
بێگومان بۆ دڵخۆشکردنی هاندەرانی عێراق.