PM:12:39:14/11/2021
2916 جار خوێندراوەتەوە
+
-
ڕیاڵ مەدرید دەیەوێت لە گواستنەوەى زستانەدا دەستبەردارى هەشت یاریزانى بێت
و بەیڵ و هازاردیش لە لیستەکەدان.
ڕۆژنامەى مۆندۆى کەتەلۆنى بڵاویکردووەتەوە، یانەى ڕیاڵ مەدرید لارى نییە لە
ڕۆیشتنى هەشت یاریزانى یەدەگى یانەکەى و ئامادەیە لە ماوەى گواستنەوەى زستانەى یاریزاناندا
دەرگاى ڕۆیشتنیان بەڕوودا بکاتەوە.
مۆندۆ ئاماژەى بەوەکردووە، گاریس بەیڵ و ئیدین هازارد دیارترینى یاریزانە
پاڵێوراوەکانن بۆ بەجێهێشتنى یانە مەدریدیەکە لە کانونى دووەمى داهاتوودا.
باسى لەوەشکردووە، یاریزانەکانى تر بریتین لە ئیسکۆ ئەلارکۆن و ناچۆ
فێرناندێز و لۆکا یوڤیچ و ماریانۆ دیاز و دانى سیبایۆس و خیسۆس فایخۆ، کە لە
دەرەوەى پلانەکانى کارلۆ ئەنچیلۆتى ڕاهێنەرى یانەکەدان.
ڕوونیشی کردووەتەوە، گرێبەستەکانى بەیڵ و ئیسکۆ لە کۆتایى ئەم وەرزەدا کۆتاییان
دێت و یانەکەش نیازى نوێکردنەوەى گرێبەستى بەیڵى نییە بەهۆى زۆرى موچەکەیەوە و
ئیسکۆش لەلایەن یانەى یۆڤانتۆسەوە گرنگى پێدەدرێت.
گ . ف
